Горæтгæрон районы Октябрыхъæуы цы Доны станцæ ис, уый техникон æгъдауæй дзуапп дæтты æдасдзинады домæнтæн. Уый тыххæй фехъусын кодта УФ-йы Æнæнхъæлæджы уавæрты министрады РЦИ-Аланийы Сæйраг управленийы прессслужбæ.
Пресс-службæйы минæвары ныхасмæ гæсгæ, Октябрыхъæуы Доны станцæйы техникон ифтонгдзинад сбæрæг кодтой УФ-йы Æнæнхъæлæджы уавæрты министрады цæгатирыстойнаг управленийы доны объектты æдасдзинады хайады кусджытæ. «Æрвылбон ацы бынатмæ сæ фæллад уадзынмæ æрбацæуынц цалдæр сæдæ адæймаджы. Доны станцæйы иумæйаг фæзуат у 3000 квадратон метры бæрц. Фæлладуадзæн бынаты техникон ифтонгад дзуапп дæтты æдасдзинады домæнтæн», — инспекцион балцы фæстæ фехъусын кодта доны объектты æдасдзинады хайады хицау Александр Данилов.
Æнæнхъæлæджы уавæрты министрады специалисттæ фаутæ не ‘рхастой нуазыны æмæ хинайыны доны хæрзхъæддзинадмæ. Уыимæ, Æнæнхъæлæджы уавæрты министрады цæгатирыстойнаг управленийы пресс-службæ зæрдыл лæууын кæны: республикæйы цы хинайæн бынæттæ ис, уыдонæй официалон æгъдауæй кусынц æрмæстдæр Дзæуджыхъæу, Мæздæг æмæ Октябрыхъæуы Доны станцæтæ. Иннæ хинайæн бынæттæ техникон æгъдауæй ифтонг не сты.
Нæ уацхæссæг
