4 августы Мӕскуыйы арӕзт ӕрцӕудзӕн ӕрвылазон фестиваль «Многонациональная Россия». Ацы дзыллон мадзал арӕзт цӕуы Нациты хъуыддӕгты фӕдыл федералон агентады хъӕппӕрисӕй.
«Ӕрвылаз дӕр фестиваль «Многонациональная Россия» свӕййы нӕ бӕстӕйы адӕмты иудзинады бӕрӕгбон. Ацы хатт дӕр афтӕ кӕй уыдзӕн, уый дызӕрдыггаг нӕу. Фестивалы архайджытӕ ӕмӕ уазджытӕй алкӕмӕндӕр фадат уыдзӕн не стыр бӕстӕйы бирӕ адӕмты хӕдбындур ӕмӕ хъӕздыг культурӕ ӕмӕ аивадимӕ базонгӕ уӕвынӕн», — фестивальмӕ цӕттӕдзинады фарстатыл дзургӕйӕ, фӕнысан кодта Нациты хъуыддӕгты фӕдыл федералон агентады разамонӕг Игорь Баринов.
Фестивалы оргкомитеты минӕвар куыд радзырдта, афтӕмӕй боны дӕргъы фестивалы фӕзтыл цӕудзысты зындгонд артисттӕ ӕмӕ сфӕлдыстадон коллективты концерттӕ, алы регионты минӕвӕрттӕ мӕскуыйӕгтӕ ӕмӕ горӕты уазджыты зонгӕ кӕндзысты ӕрмдӕсныты куысты сусӕгдзинӕдтимӕ…
Фестивалы мадзӕлттӕ райдайдзысты 4 августы 10 сахатыл Пушкины фӕзы.
Нӕ уацхӕссӕг
