Проект «Маяки дружбы. Россия сближает» нымад у нациты æхсæн фидыды бархион проект «Башни Кавказа»-йы радон хайыл. Ацы аз бæлвырд кæй географи фæуæрæх, уыцы проекты фæзындысты ног регионалон хæйттæ: «Волга — река кооперации» æмæ фестиваль «Россия сближает». Проект æххæссы 18 уæрæсейаг æмæ фæсарæйнаг регионыл
3-18 августы Уæрæсейы алыхуызон регионтæй, стæй Паддзахад Алани æмæ Абхазæй проекты архайæг 120 адæймаджы ацæудзысты Кавказ æмæ Поволжьемæ бархион куыстытæ кæнынмæ: астæуккаг æнусты мæсгуытæ ногæй аразынмæ, цæугæдæттæ æмæ сæ былтæ сыгъдæг кæнынмæ, стæй бынæттон адæмты æгъдæуттæ æмæ культурæимæ базонгæ уæвынмæ.
Проекты фыццаг хай «Башни Кавказа»-мæ гæсгæ, Цæгат Ирыстоны уæвгæйæ, бархионтæ базилдзысты Тибы фидармæ. Уымæй уæлдай, нæ республикæйы уазджыты базонгæ кæндзысты Ирыстоны зæрдылдарæн бынæттимæ.
10 августæй 16 августы онг Астраханы, Волгограды, Саратовы, Самарæйы æмæ Ульяновскы облæстты, стæй Хъалмыхъы, Чуваши æмæ Тæтæры цæудзæн проекты дыккаг хай «Волга — река кооперации», 17-18 августы та Тæтæры сараздзысты кæронбæттæн фестиваль «Маяки дружбы».
Цæгат Ирыстоны Национ ахастдзинæдты фарстаты фæдыл, Арæзтады æмæ Мидхъуыддæгты министрадты, стæй Культурон бынтæ хъахъхъæнæг комитеты æххуысæй регионы проект æххæст кæнынмæ цæст дары РЦИ-Аланийы Фæсивæды хъуыддæгты комитет.
