Хылы рæстæг кардæй æнæзонгæ лæппуйы чи барæхуыста æмæ амæй размæ тæрхонгонд кæмæн уыд, Мæздæджы пъæлицæйы кусджытæ ахæм бынæттон 25-аздзыд лæппуйы баурæдтой.
Барадхъахъхъæнджытæ куыд сбæлвырд кодтой, афтæмæй горæты бирæуæладзыгон хæдзæрттæй иуы фатеры лæппуты ‘хсæн рауад быцæу ныхас æмæ сын хылмæ расайдта. Хылы рæстæг гуырысхойаг лæппу фæлæбурдта кардмæ æмæ дзы йæ ныхмæлæууæджы гуыбын барæхуыста. Хъыгдардбаййафæджы баластой рынчындонмæ æмæ йæ дзæбæх кæнынц, гуырысхойаджы та баурæдтой æмæ йыл сарæзтой уголовон хъуыддаг.
