Æппынкъаддæр дыууæ хыгъдон рæстæджы дæргъы электрон тыхы аргъ чи нæ бафыста, уыцы абоненттæн сфидар кæнын хъæуы электрон тыхæй гæрæнтимæ пайда кæныны фæтк, зæгъгæ, афтæ фыст кæм уыд, июлы бынæттон дæлхайæдтæй компани «Севкавказэнерго»-мæ бацыд 4304 ахæм курдиаты
Электрон тых уæйгæнджытæ кæмæй хъаст кодтой, уыцы фæлхасгæнджытæй сæдæ æртын фондзы электрон тыхæй фæцух кодтой, иннæтæ та хæстæ бафыстой энергетикты æрбацыды размæ. Фароны июлимæ абаргæйæ, ацы азы июлы æнæ электрон тыхæй баззайæг хæсдарджыты нымæц 70 проценты фæкъаддæр. Электрон тыхæй цухгонд фæлхасгæнджыты нымæцæй «раздзог»-ыл нымад у Октябрьскаг РЭС-ы бæрнондзинады зылд (Горæтгæрон районы хай).
Электрон тыхæй фæцух кæнынмæ кæй хъавыдысты, уыцы 433 хæсдарæгæй 37 баззадысты æнæ электрон тыхæй (электрон тых цалынмæ ахуыссын кæной, уымæ не ‘нхъæлмæ кæсгæйæ, иннæтæ та хæс бафыстой). Æнæ рухсæй баззайæг æппæт объекттæ сты хицæн адæймæгты хæдзæрттæ. Ныр цæрæнуæттæм ногæй электрон тых бауадзыны фæнд скæнæг хæсдарджыты бахъæудзæн электрон тых уæйгæнæг компанийæн хæс бафидын, канд уый нæ, фæлæ ма электрон тых бауадзыны фæдыл «Севкавказэнерго»-йы лæггæдты аргъ дæр бафидын.
Алагиры районы фæлхасгæнджытæ закъон халынц æппæтæй къаддæр. Ацы районы æнæ электрон тыхæй баззайынæй тæссаг кæмæн уыд, уыцы 232 фæлхасгæнæгæй электрон тыхæй фæцух кодтой æрмæст 2 хæсдарæджы, иннæтæ та энергетикты æрбацыдмæ хæстæ бафыстой. Июлы Кировы æмæ Æрæфы районты электрон тыхæй фæцух кæнын бахъуыд фæйнæ 6 объекты.
Электрон тыхæй фæлхасгæнджыты фæцух кæнынц Уæрæсейы Хицауады 2012 азы 4 майы фидаргонд «Электрон тыхы алыхуызон базарты архайды, электрон тыхæй æххæстæй æмæ (кæнæ) хайгай фæцух кæныны тыххæй» уынаффæмæ гæсгæ, электрон тых уæйгæнæг компанийы фæндонæй.
Энергетиктæ адæмы зæрдыл лæууын кæнынц: уæвæн ис, æмæ æппынкъаддæр дыууæ хыгъдон рæстæджы дæргъы электрон тыхы аргъ нæбафидæг абонентты фæцух кæндзысты электрон тыхæй (Уæрæсейы Хицауад 2014 азы 17 февралы кæй сфидар кодта, Коммуналон лæггæдтæ кæныны уыцы фæтк афтæ амоны). № 354 хицауадон уынаффæмæ гæсгæ, хæдзæрттæ райдайæны электрон тыхдæттæн телтæ кæнæ трансформаторон объектæй цыбыр рæстæгмæ фæцух кæнæн ис. Хæс кæд бафидой кæнæ хæс фæстæдæр бафидыны тыххæй фидыд фидаргонд кæд æрцæуа, уæд электрон тых ногæй ратдзысты. «Севкавказэнерго»-йы пресс-службæ
