Абхазмæ цы 30 хуссарирыстойнаг скъоладзауы æмæ кадеты ацыд, уыдонмæ æнхъæлмæ кæсы сæрдыгон æфсæддон лагеры мидисджын фæлладуагъд
— Абхазы чи байгом, нæ ведомство уыцы сæрдыгон æфсæддон лагерьмæ фæллад уадзынмæ арвыста сывæллæтты. Лагердзауты æхсæн сты иумæйагахуырадон æмæ кадетты скъолаты ахуырдзаутæ. Мидисджын программæмæ гæсгæ дзы хуссарирыстойнаг скъоладзаутæ сæ фæллад уадздзысты дыууæ къуырийы дæргъы, — загъта Хуссар Ирыстоны Хъахъхъæнынады министрады инспектор Куымæриттаты Аидæ.
— Абхазмæ ацæуын мæ рагæй фæндыд. Мæ бæллиц кæй баххæст, уымæй разы дæн. Нæ республикæ аккаг уагæй кæй бавдисдзыстæм, уый мæ уырны, — зæгъы Цхинвалы скъолаинтернаты 11-æм къласы ахуырдзау Гæбæраты Индирæ.
