РЦИ-Аланийы Сæргълæууæг БИТАРТЫ Вячеслав нæ республикæйы бирæнацион адæмы номæй тæфæрфæсы тел ССР Цæдисы адæмон артист, зындгонд æхсæнадон архайæг Иосиф Кобзоны амарды фæдыл арвыста УФйы Федералон Æмбырды Паддзахадон Думæйы Сæрдар Вячеслав ВОЛОДИНМÆ
“Зындгонд артист, Уæрæсейы Культурæйы раззагдæр минæвар, æгæрон курдиаты æмæ милуангай уæрæсейаг адæмæн уарзон хъæлæсы хицау Иосиф Кобзон цардæй кæй ахицæн, уымæй стыр уæззау, баххæстгæнæн кæмæн нæй, ахæм зиан æрцыд канд нæ бæстæйы аивадыл нæ, фæлæ æппæт Уæрæсейыл дæр. Иосиф Кобзон канд эстрадон зарæггæнæг, рухстауæг, бæрзонд профессионалон дæсныдзинад кæмæ уыд, аивад арф чи ‘нкъардта, ахæм артист нæ уыд, фæлæ ма уыд зынгæ политикон архайæг, æцæг патриот, йæ райгуырæн бæстæйы абонмæ æмæ фидæнмæ куыд фæндыйы нæ, фæлæ аудæг цæстæй чи каст, ахæм æцæг гражданин. Иосиф Давиды фыртмæ Цæгат Ирыстоны уæлдай уарзон ахаст уыд. Мах, кæддæриддæр нæ зæрдыл дардзыстæм, Беслæны теракты хъыгдардбаййафджытæн куыд æххуыс кодта, аудæг цæстæй сæм куыд каст, сæ зын сахат сын ныфсæвæрæг кæй уыд, уый”, — загъд ис тæфæрфæсы телы. Советон Цæдисы адæмон артист Иосиф Кобзон цардæй ахицæн знон, цыдис ыл 81-æм аз.
