Регионты дыккаг æргом иумæйаг конкурс «Воля и великодушие»-йы бæрæггæнæнтæ хыгъд æрцыдысты. 37 номинацийы призтæ райсынæн конкурсы архайджытæ бархионты архайды, зондамонынад æмæ социалон журналистикæйы къабæзтæм гæсгæ бавдыстой 300 сæрмагонд проектæй фылдæр
Номинаци «Лучшие социальные проекты в сфере экологии»-йы фæуæлахиз Цыколайы 3-æм скъолайы директоры хæдивæг Цориты Ирмæ. Ацы сылгоймаг проект «Качество питьевой воды»-йыл бакуыста ахуырдзаутимæ. Проект хæссы хъæуы донуадзæн хæтæлты нуазыны доны хæрзхъæддзинад раиртасыны æмæ зæронд донуадзæн хæтæлтæ ногтæй баивыны фæндон.
— Регионалон æмæ муниципалон æхсæнадон палатæтæ кæй иу кæнынц, алы уæлахиз дæр банымайæн ис регионы æхсæнадон организациты уыцы уæнгты иумæйаг куысты бæрæггæнæныл. Организацион комитеты уæнгты номæй уæлахиздзаутæн зæрдиаг арфæ кæнын, — загъта конкурсæн фадæттæ саразæг, УФ-йы Æхсæнадон палатæйы уæнг Леонид Шафиров.
Ирыстойнæгтæй уæлдай ма конкурсы архайдтой Адыгейы, Хъалмыхъы, Хъæрæсе-Черкесты, Хъырымы, Дагестаны, Мæхъæлы, Цæцæны, Краснодары æмæ Стъараполы крайты. Астрæхæны, Волгограды æмæ Ростовы облæстты, Севастополы, стæй Луганскы Адæмон Республикæйы минæвæрттæ.
Конкурсанттæ сæйраг æргом здахынц æнæниздзинады цыбыргонд гæнæнтимæ адæммæ, стæй алфамбылай æрдз хъахъхъæныны æмæ зонындзинæдтæ парахат кæныны фарстатæм.
