Цард æй йæхæдæг равдыста, иу рæстæджы нæхи кæуыл атигъ кодтам æмæ кæуыл нал æввæрсыдыстæм, ахæм кусæджы дæсныйæдтæ абон юристы, экономисты æмæ æндæр дæсныйæдтæй хъæугæдæр кæй сты, уый.
Дзæуджыхъæуы 5-æм училище æрæджы бæрæг кодта йæ 60 азы юбилей. Ацы ахуыргæнæндон кæд йæ бынат цалдæр ивды акодта, уæддæр кусæджы дæсныйæдтыл фæсивæды сахуыр кæнын уыд йæ ахсджиагдæр хæс.
Алы азты училищейæн разамынд лæвæрдтой Дзугкаты Никъала, Цæлыккаты Бечырби, Гергиты Хъамболат, Бицъиты Мурат, Хуымарты Руслан, Къутæрты Тотрадз, Дзуццаты Наталья, Владимир Подставкин, Царахаты Владимир. Адонæй алчидæр йæхи бавæрæн бахаста училищейы материалон-техникон базæ фæхъомысджындæр кæнынмæ; арæзт æрцыд ахуырадон æрмадз слесыртæн æмæ уæзисæн крантыл, экскаватортыл чи ахуыр кæны, уыдонæн. Рацарæзты рæстæджы, цæмæдæр гæсгæ, нал хъуыдысты ахорджытæ, сæрдджытæ, дурастæрд æвæрджытæ, амайджытæ… Дзæуджыхъæуы арæзтад раздæры хуызæн кæй нал цыд, уымæ гæсгæ фæкъаддæр, аразæджы дæсныйæдтыл чи ахуыр кодта, уыдоны нымæц. Горæты автомашинæты нымæц дзæвгар кæй фæфылдæр, уымæ гæсгæ училищейы цæттæ кæнын райдыдтой техникон фæрæзтыл кусджыты, автофæрæзтæ цалцæггæнджыты.
1995 азæй абонмæ Дзæуджыхъæуы 5-æм профтехучилищейы директор у Гæджиты Хъазыбег. Уый фæцис Грознайы педагогон институт. Директоры бынат бацахсыны размæ уыд куыстадон ахуыры мастер, хистæр мастер, директоры хæдивæг ахуырадонкуыстадон куысты, уыдис Ахуырады министрады сæйраг специалист. Гæджийы-фырты рæстæджы хъахъхъæд æрцыд, училищейы къухы хорзæй цыдæриддæр бафтыд, уый, фæуæрæхдæр йæ ахуырадон-куыстадон базæ кусæг дæсныйæдтæ цæттæ кæныны хъуыддаджы. Арæзт æрцыд автоцалцæггæнæн ахуырадон-куыстадон æрмадз. Училищейы цæттæ кæнын райдыдтой автомеханиктæ.
Училище 1995 азы лицензи райста, æмæ 2001 азы бафидар кодта, аразæг æмæ автомобилон транспорты дæсныйæдтыл кусджытæ цæттæ кæнын йæ бон кæй у, уый. 2002 азы училище аттестаци æмæ аккредитацигонд æрцыд. Гæджиты Хъазыбег куыд зæгъы, афтæмæй аттестацигонд æрцыдысты æппæт ахуыргæнджытæ æмæ куыстадон ахуыры мастертæ. Гæджиты Хъазыбег, директоры хæдивджытæ Хъодзасты Аким, Людмилæ Шахбазова, Ларисæ Малахова аттестацигонд æрцыдысты, куыд ахуырадон уагдоны уæлдæр категорийы разамонджытæ. Училищейы директор Гæджиты Хъазыбег, директоры хæдивджытæ ахуырадон-куыстадон куысты Людмилæ Шахбазова æмæ Дзæгъойты Алексей, директоры хæдивæг ахуырадон-хъомылдон куысты Ларисæ Малахова, хистæр мастер Дзуццаты Феликс, сæйраг бухгалтер Габеты Светланæ, УФ-йы Ахуырады министрады бардзырдмæ гæсгæ, хорзæхджын æрцыдысты риуылдаргæ нысан “УФ-йы райдайæн профессион ахуырады кадджын кусæг»-æй. Фараст ахуыргæнæджы аттестацигонд æрцыдысты уæлдæр квалификацион категорийæ: Любовь Зевахина, Раисæ Шагина, Кучиты Клавдия, Ларисæ Малахова, Людмилæ Шахбазова, Виталий Пшеницын, Бигъаты Людмилæ, Дзуццаты Феликс. Уæлдæр категорийæ аттестацигонд æрцыдысты куыстадон ахуыры мастертæ: Тыбылаты Наталья, Гадзауты Наталья, Цæриаты Гурам.
Куыстадон ахуыры мастер Бериты Евгения у 1959 азы аразджыты 2-æм училищейы рауагъдон. Волгограды индустриалон-педагогон техникум каст фæуыны фæстæ æнæсцухæй ныр 50 азы кусы училищейы. Йæ 1250 рауагъдоны райстой аразæджы дæсныйад. Уыдонæй бирæтæ систы арæзтадон организациты разамонджытæ. Йæ бирæ рауагъдонтæ систы УФ-йы, Цæгат Ирыстоны сгуыхт ахуыргæнджытæ. Бериты Евгения у УФ-йы куыстадон ахуыры сгуыхт мастер.
Гæджиты Хъазыбеджы разамындæй стыр куыст конд æрцыд, цæмæй учили- щейы ахуырадон процессæн уа барадон бындур, кæцы дзуапп дæтты УФ-йы закъо- надæн æмæ ахуыры педаго- гикæ æмæ хъомылады ны- рыккон домæнтæн.
Æнæзæгъгæ ма нæй, училищейы цы автоскъола ис, уый тыххæй, уымæн æмæ уый у рæстæджы домæн. Автоскъолайæн йæ разамонæг у Кцойты Æхсар. Æхсар куыд загъта, афтæмæй йын бындур æвæрын райдыдтой, директор ма Владимир Подставкин куы уыд, уæд. Абоны директор Гæджиты Хъазыбег дæр зæрдиагæй архайы автоскъолайы куыстхъомдзинадыл. Ныртæккæ сæм ахуыр кæны 60 адæймаджы, уыдонæн сæ фылдæр сты студенттæ. Дыууæ мæйы ахуырæн сæ 15 мины бафидын кæй хъæуы (студентмæ та цæй æхца ис), уымæ гæсгæ сын бар лæвæрд æрцыд хайгай сæ бафидынæн. Ис сæм дæс ахуыргæнæн автомашинæйы. Фыццаг сæ машинæ скъæрыныл ахуыр кæнынц, тренажерон кълас кæй хонынц, уым. Ис сæм æрдзæй æфхæрд адæмæн дæр хицæн тренажер. Уый фæстæ сæ инструктортæ машинæ скъæрыныл ахуыр кæнынц кæрты. Сæхиуыл куы феууæндынц, уæд рацæуынц горæты уынгтæм, инструктортæ сæ фарсмæ, афтæмæй. Семæ чи кусы, уыцы инструктортæ сты Тъуриты Руслан, Дзгойты Ирбег, Джиоты Вадим, Бдайциаты Артур.
Училищейы ис æдасдзинады лаборатори. Уым сæ ахуыр кæнынц фæндæгтыл æдасæй цæуыны æгъдæуттыл, уый та æнæмæнгхъæугæ у, уымæн æмæ ныртæккæ нæ горæты æмæ æндæр рæтты цас машинæтæ змæлы, афтæ никуы уыд. Кцойты Æхсар куыд зæгъы, афтæмæй цæуынц рæвдауæндæттæ æмæ скъолатæм æмæ сывæллæттæн амонынц фæндæгтыл æдасæй цæуыны æгъдæуттæ.
АБАЙТЫ Эдуард Къамтæ систа КЪÆБЫСТЫ Харитон
