Фӕстаг рӕстӕг арӕх фенӕн вӕййы ӕнӕзонгӕ дзаумӕттӕ кӕнӕ предметтӕ транспорты, къӕлидорты асинты, фатертӕм бацӕуӕнты, ӕхсӕнадон ӕмӕ ӕндӕр рӕтты. Гӕнӕн ис, ӕмӕ уыдон разыной рӕмудзӕн ӕрмӕджытӕ. Ахӕм рӕстӕг цы кӕнын хъӕуы?
Уӕ алыварс адӕм куы уа, уӕд сӕ бафӕрсут, кӕй у ацы дзаума кӕнӕ хызын ӕмӕ йӕ чи ферох кодта. Хицау сын куы нӕ разына, уӕд хабар фехъусын кӕнын хъӕуы транспорты шофырӕн. ӕнӕзонгӕ дзаума кӕнӕ хызын уӕ хӕдзармӕ бацӕуӕны куы ссарат, уӕд сыхӕгты афӕрсут, кӕй у, зӕгъгӕ. Хицау ын куы нӕ разына, уӕд хабар фехъусын кӕнут пъӕлицӕйы хайадмӕ. Куыстуаты ӕнӕзонгӕ предмет куы разына, уӕд та хабар фехъусын кӕнын хъӕуы администрацийӕн кӕнӕ хъахъхъӕнджытӕн.
Ӕнӕзонгӕ дзаумӕттӕ кӕнӕ предмет кӕмфӕндыдӕр куы ссарат, уӕд ӕм ма ӕвналут, ма йӕ гом кӕнут; цы рӕстӕг ӕй ссардтат, уый уӕ зӕрдыл бадарут; адӕм ӕм хӕстӕг куыд нӕ цӕуой, ууыл бацархайут; ӕнӕмӕнг банхъӕлмӕ кӕсут оперативон-слестгӕнӕн къорды ӕрбацыдмӕ.
Уӕ зӕрдыл бадарут! Дзаума кӕнӕ предметӕн йе ‘ддаг бакастыл ма ӕууӕндут, гӕнӕн ис, ӕмӕ уым рӕмудзӕн ӕрмӕг разына. Рӕмудзӕг ӕрмӕг бамбӕхсынмӕ фыдгӕнджытӕ арӕх равзарынц бынтон хуымӕтӕг предметтӕ — хызынтӕ, пакеттӕ, къоппытӕ, хъазӕнтӕ ӕмӕ ӕндӕртӕ.
Ныййарджытӕ! Сымах стут бӕрнон уӕхи ӕмӕ уӕ кӕстӕрты ӕдасдзинадыл. Уымӕ гӕсгӕ бамбарын кӕнут уӕ сывӕллӕттӕн, уынджы кӕнӕ хадзӕрмӕ бацӕуӕны кӕй ссарой, уыцы дзаума кӕнӕ предмет кӕй сты тӕссаг.
Терроризмы ныхмӕ национ комитет
