Кӕронмӕ ахӕццӕ ис Олимпаг хъӕзтыты размӕ дунеон чемпионат уӕгъдибар хъӕбысхӕстӕй. Цыдис Казахстаны, горӕт Нур-Султаны. Афтӕмӕй Спортивон хъӕбысхӕсты Уӕрӕсейы иугонд командӕ Токиомӕ Олимпаг хъӕзтытӕм рамбылдта фараст лицензийы: ӕртӕйы хицау систы классикон хуызы хъӕбысӕйхӕцджытӕ, иу лицензи ис чызджытӕм, фондз та — уӕгъдибар хъӕбысӕйхӕцджытӕм.
Олимпиадӕйы нӕ спортсментӕ хӕцдзысты ӕппӕт уӕзты, ӕппӕты уӕззаудӕр уӕзӕй фӕстӕмӕ.
Казахстаны дунеон чемпионаты сыгъзӕрин майдантӕ рамбылдтой Абдулрашид Садулаев, Заур Угуев, Сидахъты Зауырбег, Гаджимурад Рашидов ӕмӕ Байаты Давид. Ӕвзист майдан рамбылдта Магомедрасул Идрисов, бронзӕ майдантӕ — Найфонты Артур, Гаджи Набиев ӕмӕ Алихан Жабраилов.
Уӕгъдибар хъӕбысхӕстӕй Уӕрӕсейы иугонд командӕ та ногӕй равдыста йӕ хъомыс, йӕ цӕттӕдзинад ног уӕлахизтӕм ӕмӕ ӕнтыстдзинӕдтӕм.
