Елхоты бирӕвӕрсыг колледжы командӕ архайдта спорты ӕвдӕм ӕппӕтуӕрӕсеон фестивалы профессионалон ахуырадон организациты ахуырдзауты ‘хсӕн ӕмӕ бацахста ӕртыккаг бынат. Фестивал 17-22 сентябры ацыд горӕт Анапӕйы. Архайдтой дзы Уӕрӕсейы 9 субъекты командӕтӕ. Елхотӕгтӕ фыццаг бынат ӕрцахстой армрестлингӕй ӕмӕ самбойӕ, цыппӕрӕм бынат — гиртӕ исынӕй ӕмӕ кафӕн-музыкалон конкурсы. Ӕппӕт бӕрӕггӕнӕнтӕм гӕсгӕ систы ӕртыккӕгтӕ.
Спорты фестивал алы аз дӕр арӕзт ӕрцӕуы спортивон традицитӕ сфидар кӕныны ӕмӕ физкультурон-спортивон куыст фӕахадгӕдӕр кӕныны тыххӕй. Йӕ сӕйраг нысан та у, профессионалон ахуырадон организациты чи ахуыр кӕны, уыдон ӕнӕниздзинадмӕ куыд тырной, патриотон зондахаст сӕм куыд фидар кӕна ӕмӕ цардхъом куыд уой, уый.
