Пенсийы бӕрц цас у, уый тыххӕй гӕххӕтт райсын у, уӕлдай арӕхдӕр кӕмӕй пайда кӕнынц, ахӕм пенсион ӕмӕ социалон ӕфсисады паддзахадон лӕггад. Уый у официалон документ ӕмӕ фидар кӕны гражданины ӕфтиаджы хуыз, гуырӕн ӕмӕ бӕрц, стӕй ӕмхуызон у пенсион ӕвдисӕндаримӕ, фӕлӕ лӕвӕрд нал цӕуы 2015 азӕй фӕстӕмӕ.
Ацы гӕххӕтт ӕнӕмӕнг хъӕуы уӕлӕмхасӕн социалон пособитӕ ӕмӕ фиддонтӕ аразгӕйӕ, ӕфстау исгӕйӕ дӕр, стӕй уӕлдӕр ахуырадон кусӕндонмӕ, алыхуызон ведомствӕтӕ ӕмӕ ӕндӕртӕм бавдисыны тыххӕй.
Пенсийы бӕрцы тыххӕй гӕххӕтт райсӕн ис Пенсион фонды управленийы службӕйы: дӕхӕдӕг ӕрхатгӕйӕ, кӕнӕ рагагъоммӕ гӕххӕттытӕ Уӕрӕсейы Пенсион фонды гражданины хисӕрмагонд кабинеты, уый заказ скӕнгӕйӕ, ӕмӕ йӕм фӕстӕдӕр ӕрбацӕуын ӕмӕ йӕ райсын.
Уымӕй уӕлдай пенсийы бӕрцы тыххӕй гӕххӕттытӕ лӕвӕрд цӕуынц паддзахадон ӕмӕ муниципалон лӕггӕдтӕ дӕттӕг бирӕфадатджын центрты дӕр. Ныр уый раздӕрӕй ӕнцондӕрӕй ӕмӕ тагъддӕр иу бацыдӕн райсӕн ис, бирӕфадатджын центры филиалмӕ бацӕугӕйӕ. Ведомствӕты ‘хсӕн электронон ӕмархайды системӕйы рӕзты руаджы гражданинӕн гӕххӕтт ратдзысты онлайны уагӕвӕрды, ома, ныр уый рагагъоммӕ заказ раттын нӕ хъӕуы, фӕлӕ йӕм йӕ райсыны тыххӕй хъуамӕ ӕрбацӕуай.
Уӕ зӕрдыл уын куы ‘рлӕууын кӕнӕм, уӕд ныртӕккӕ республикӕйы цӕрджытӕн бирӕфадатджын центрты филиалты сӕ бон райсын у пенсион ӕфсисады 14 сӕйраг паддзахадон лӕггады. Бирӕфадатджын центрты кусынц «иу рудзынджы» уагӕвӕрды, ӕмӕ уый фадат дӕтты ӕвӕстиат ӕмӕ ӕнцонӕй паддзахадон лӕггӕдтӕ райсынӕн, документтӕ саразын ӕмӕ гӕххӕттытӕ ӕмбырд кӕнынӕн. Уымӕй уӕлдай фӕзуӕттӕ уӕвӕг бирӕфадатджын центртӕ ӕмӕ офистӕ дӕр сты ӕввахс, ӕмӕ уый дӕр зынгӕ фӕстауӕрц кӕны рӕстӕг, стӕй хуымӕтӕгдӕр кӕны хъӕугӕ лӕггӕдтӕ райсыны архайд.
Цӕгат Ирыстоны ис бирӕфадатджын центрты 11 филиалы: ӕртӕ офисы Дзӕуджыхъӕуы, стӕй республикӕйы алы районты дӕр. Бирӕфадатджын центрты офисты куырдиат бадӕттӕн вӕййы фӕдзӕхстадон пенси ӕмӕ паддзахадон ӕфсисады пенси снысан кӕныны тыххӕй, ныййарӕджы капиталы сертификат саразын ӕмӕ йӕ фӕрӕзтӕй пайда кӕнын, стӕй ӕрвылмӕйон ӕхцайы бафыстытӕ сфидар кӕнын ӕмӕ ӕндӕр лӕггӕдтӕ райсын. Пенсион фонды бирӕфадатджын центртӕй исгӕ лӕггӕдты номхыгъд базонӕн ис Уӕрӕсейы Пенсион фонды сайты (www.pfrf.ru).
Дзӕуджыхъӕуы бирӕфадатджын центрты адристӕ: Къостайы проспект, 15, Мичурины уынг, 67, Цоколайы-фырты уынг, 5.
