Ралӕууыд октябр. Кӕд хур арӕх кӕсы, уӕддӕр фӕззӕг йӕхи ӕвдисы. Бонтӕ кӕнынц цыбырдӕр ӕмӕ уазалдӕр.
Октябры рӕстӕмбис температурӕ вӕййы 9-11 градусы хъарм. Ростовы гидрометцентры бӕрӕггӕнӕнтӕм гӕсгӕ Цӕгат Кавказы федералон зылды уӕлдӕфы температурӕ уыдзӕн нормӕмӕ ӕввахс.
Ӕхсӕвы 5-10 градусы хъарм, бонӕй 11-17, ранӕй-рӕтты та-иу схиздзӕн 20-26 градусмӕ.
Октябр ӕппӕтӕй уазалдӕр уыди 1959 азы, температурӕ бонӕй 4 градусӕй уӕлдӕр нӕ хызти. Ӕппӕтӕй хъармдӕр та уыди 1974 азы — 13 градусы.
Мӕйы дӕргъы къӕвдатӕ ӕрцӕуы 33-60 мм. Ацы аз ӕруардзӕн нормӕ кӕнӕ чысыл къаддӕр. Иуӕй-иу бонты ӕрцӕудзӕн тӕрккъӕвдатӕ ӕмӕ митӕмхӕццӕ къӕвдатӕ. Рӕстӕггай баддзӕн мигъ. Мӕйы райдайӕн боныхъӕд уыдзӕн фӕлмӕн ӕмӕ хурдзаст.
Светланӕ Сухова,
инженер-синоптик