Ацы бонты Бетъырбухы, егъаудӕр агропарк «Нарт»-ы йӕ куыст кӕны Цӕгат Ирыстоны товаруадзджыты продукцийы равдыст «Арӕзт у Аланийы».
Уый тыххӕй фехъусын кодта Цӕгат Ирыстоны Экономикон рӕзты министрады пресс-службӕ.
«Бетъырбухы равдыстмӕ сӕ продукци аластой 20 цӕгатирыстойнаг компанийы. Нӕ экспозицийы равӕрдтам: ӕхсыр ӕмӕ дзидзайы продукттӕ, дыргътӕ, халсартӕ, адджын ӕмӕ минералон дӕттӕ, бӕгӕны, сӕн, хӕххон цай, къафеттӕ ӕмӕ афтӕ дарддӕр», — радзырдта пресс-службӕйы минӕвар.
Цӕгат Ирыстоны экспозициимӕ цымыдисӕй базонгӕ сты Бетъырбухы базарадон организациты бӕрнон кусджытӕ, стӕй йӕм се ‘ргом аздӕхтой сомихаг, египетаг ӕмӕ китайаг компаниты минӕвӕрттӕ.
Нӕ уацхӕссӕг
