Цӕгатирыстойнӕгтӕн хъусын кӕнӕм: ис уын цӕрӕнуат балхӕнынӕн паддзахадон ӕххуыс райсыны бар.
Уӕ зӕрдыл уын лӕууын кӕнӕм, нӕ республикӕйы Арӕзтад ӕмӕ архитектурӕйы министрад 2016-2020 азты мадзӕлттӕ ӕххӕст кӕны Цӕгат Ирыстоны паддзахадон программӕ «Аслам ӕмӕ удӕнцой цӕрӕнуӕттӕй Республикӕ Цӕгат Ирыстон-Аланийы адӕмы ифтонгад»-мӕ гӕсгӕ ипотекӕйӕ цӕрӕнуат ӕлхӕныны ӕмӕ (кӕнӕ) процентон ставкӕйы хайы компенсаци фидыны рӕстӕг фыццаг фиддон фидынӕн комкоммӕ субсидитӕ исӕг адӕмы номхыгъд сфидар кӕныны тыххӕй» Республикӕ Цӕгат Ирыстон-Аланийы Хицауады уынаффӕмӕ гӕсгӕ.
Уыдоны фӕрцы ӕрыгон кусджытӕн ӕмӕ алы бинонтӕн дӕр ис 400 мин сомы бӕрц материалон ӕххуыс райсыны бар (ацы ӕхцайӕ 100 мин сомы хардзгонд ӕрцӕудзысты фыццаг фиддоныл, иннӕ ӕхца та — цӕрӕнуаты ипотекон ӕфстауы процентон ставкӕйы хай бафидыныл).
Ныридӕгӕн ацы проектмӕ гӕсгӕ баххуыс кодтой 13 адӕймагӕн. Баззад ма дзы 7 субсидийы.
Хъӕуты чи кусы ӕмӕ цӕры, уыдонӕн, стӕй ахуыргӕнӕндӕтты, ӕнӕниздзинад хъахъхъӕнынад ӕмӕ культурӕйы кусӕндӕтты хӕдзархъуаг ӕрыгон кусджытӕн Цӕгат Ирыстоны Арӕзтад ӕмӕ архитектурӕйы министрадмӕ сӕ бон бадзурын у мӕнӕ ацы телефонӕй 40-57-02. Цӕстдарӕг — Годжиты Алинӕ.
Янӕ Войтова
