— Ныртӕккӕ объекты парахатӕй цӕуынц йӕ арӕзтадон куыстытӕ. Специалисттӕ фидар кӕнынц дӕлзӕххон инженерон коммуникацитӕ — донуадзӕн хӕтӕлтӕ ӕмӕ электрон телтӕ. Фонтаны сӕвӕрдзыстӕм гермайнаг ифтонггӕрзтӕ. Йӕ техникон хӕйттӕ фидаргонд ӕрцӕудзысты ноябры кӕрон. Фонтан хъусын кӕндзӕн аивадон-музыкалон композицитӕ (уыимӕ — национ уацмыстӕ дӕр). Объект кӕй бӕрны уыдзӕн, уыцы кусӕндонӕн уыдзӕн алыхуызон композицитӕ йӕм бахӕссыны бар, — загъта республикӕйы Арӕзтад ӕмӕ архитектурӕйы министрады минӕвар.
Хуссар Ирыстоны социалон-экономикон рӕзтӕн ӕххуысы уӕрӕсейаг инвестицион программӕ фонтаны арӕзтадӕн радих кодта 23 милуан сомы.
(Информацион агентад «Рес»)
