Цӕгат Ирыстоны Сӕргълӕууӕг Битарты Вячеславы фӕдзӕхстмӕ гӕсгӕ, республикӕйы Цӕрӕнуӕтты-коммуналон хӕдзарады, артаг ӕмӕ энергетикӕйы министрадӕн баргонд ӕрцыд, дзырддӕгтыл нымад чи у, уыцы цӕрӕн бынӕтты донифтонгады иумӕйаг проект бацӕттӕ кӕнын (ныхас цӕуы, донифтонгады системӕ ӕппӕтӕй тынгдӕр кӕм баихсыд ӕмӕ тӕссаг уавӕртӕ ӕппӕтӕй арӕхдӕр кӕм сӕвзӕры, ахӕм рӕттыл).
Министрады, муниципалон иугӕндты администрациты ӕмӕ ифтонггӕнӕг компаниты кусджытӕ бакодтой цӕрӕн бынӕтты донифтонгады централизацигонд системӕйы объектты уавӕр раиртасыны куыст. Сбӕрӕг кодтой, нуазыны доны ифтонгад хӕрзхъӕддзинады ӕмӕ ӕдасдзинады бӕрӕггӕнӕнты аккаг у ӕви нӕ, уый дӕр. Сӕ бӕрӕггӕнӕнтӕм гӕсгӕ, донифтонгады централизацигонд системӕтӕй хӕрзхъӕд нуазыны донӕй ифтонггонд Цӕгат Ирыстоны цӕрджыты бӕрц хӕццӕ кӕны 86 процентмӕ. Ӕппӕтӕй къаддӕр бӕрӕггӕнӕн — 23 проценты — ис Алагиры районы. Ӕмткӕй райсгӕйӕ, 91 мин цӕгатирыстойнаджы исынц цауд нуазыны дон.
Донифтонгады хызты рацарӕзты ӕмӕ арӕзтады фыццаградон объектты номхыгъдмӕ хауынц рӕвдз куыст домӕг объекттӕ. Ныридӕгӕн ацы объектты хай бахастой федералон ӕмӕ республикӕйы программӕтӕм. Зӕгъӕм, Алагиры хызты рацарӕзт бахастой национ проект «Экологи»-мӕ, Алагиры районы донуадзӕн хӕтӕлты нывылкӕнынад та баххӕст кӕндзысты сӕрмагонд хицауадон суагъӕ ӕххӕсткӕнынады фӕткмӕ гӕсгӕ (Уӕрӕсейы Хицауады бардзырд № 2980-р).
Иринӕ Горбунова
