Ацы бонты Дзӕуджыхъӕуы цӕуынц Хуссайраг ӕфсӕддон зылды пъӕлицӕйӕгты ерыстӕ. Уый тыххӕй фехъусын кодта зылды пресс-службӕ.
Ерысты рӕстӕг пъӕлицӕйӕгтӕ ӕххӕст кӕнынц алыхуызон хӕслӕвӕрдтӕ. Физикон цӕттӕдзинадӕй уӕлдай, ӕфсӕддонты хӕс у сӕххӕст кӕнын радиацион, химион, биологон хъахъхъӕнынады мадзӕлттӕ, стӕй хӕцӕнгӕрзты алы хуызтӕй мысантӕ акъуырын…
Цалдӕр боны цы ерыстӕ цӕуы, уыдоны бӕрӕггӕнӕнтӕм гӕсгӕ ӕвзӕрст ӕрцӕудзысты хуыздӕр ӕфсӕддон пъӕлицӕйӕгтӕ. Уыдон архайдзысты ӕппӕтуӕрӕсеон ерысты кӕронбӕттӕны.
Ацы ерысты та уал архайынц 58-ӕм ӕфсады ӕмӕ ӕндӕр дӕлхайӕдты пъӕлицӕйӕгтӕ.
Дмитрий Кузьмин
