Амалиуæгадæн — æххуыс

0
54

Дзæуджыхъæуы центр «Мæ бизнес»-ы уыдис æмбырд. Архайдтой дзы амалиуæгадæн æххуысы  кусæндæтты разамонджытæ æмæ бынæттон хиуынаффæйады администрацийы минæвæрттæ.

Цæгат Ирыстоны экономикон рæзты министр Томайты Хъазыбег дзы  куыд фехъусын кодта, афтæмæй республикæйы Сæргълæууæг бахæс кодта рæхджы регионы æппæт къæпхæнты амалиуæгадмæ цæстдарды ахадгæ системæ саразын.

—  Битарты Вячеславы хæслæвæрдмæ гæсгæ нæ хъæуы   суинаг æмæ архайæг амалиуæггæнджытимæ нæ куыст ног уагæй рацаразын. Алы муниципалон сконды хæс дæр у райдайæнæй кæронмæ бизнес-проектты æххæсткæнынадмæ иудадзыг цæстдарæн фадæттæ аразын, — загъта министр.

Суинаг æмæ архайæг амалиуæггæнджытæ кæмфæнды куы цæрой, уæддæр сын, Дзæуджыхъæумæ ма цæугæйæ, уыдзæн хæрзхъæд консультацитæ райсыны фадат.

Центр «Мæ бизнес»-ы бындурыл амалиуæггæнджытæн сарæзтой дæсныдзинады къæпхæн уæлдæргæнæг  курс æнæмæнг баххæстгæнинаг кæронбæттæн аттестациимæ. Фыццаг ахуырадон фембæлды рæстæг Цæгат Ирыстоны Амалиуæгадæн æххуысы фонды директор Гæлиты Батрадз æмæ амалиуæгадæн æххуысы  кусæндæтты разамонджытæ фембæлды архайджытæн радзырдтой бизнесæн паддзахадон æххуысы æппæт хуызты тыххæй.

Битарты Вячеславы хæслæвæрд апрелы райдайæны хъæуы сæххæст кæнын. Ацы хъуыддагмæ бар чи дары, уыцы адмнистрацийы хайæдтæ   æрвылкъуыри æххæстгонд куысты тыххæй хъусын кæндзысты  республикæйы Экономикон рæзты министрадæн,  уый та сæ æрвитдзæн республикæйы разамындмæ.

 

ГУЫРДЗЫБЕТЫ Зæринæ

ОСТАВЬТЕ ОТВЕТ

Please enter your comment!
Please enter your name here