Номарæн фæйнæг

0
65

Заводы поселочы кадджын уавæры байгом кодтой милицæйы  сержант Руслан Захаровы номарæн фæйнæг. Уый  фæмард йæ службæйы хæстæ æххæст кæнгæйæ. Уæрæсейы Национ гвардийы æфсæдты боны агъоммæ фæйнæг бафидар кодтой, хъæбатыр кæм цард, уыцы хæдзары раззаг къулыл.

Кадджын æмбырды архайдтой Национ гвардийы регионалон управленийы разамонджытæ, Фыдыбæстæ хъахъхъæнджыты бинонты æппæтуæрæсеон æхсæнадон организацийы цæгатирыстойнаг хайады сæрдар Татьянæ Днепровская, динамонджытæ æмæ Руслан Захаровы хиуæттæ. Уыдон  ноджыдæр-ма иу хатт равдыстой, хъæбатыры ном адæмæй  рох кæй нæу, уый. Бинонты арфæйаг æгъдæуттæ дарддæр хæццæ кæны Русланы фырт. Уый ныртæккæ службæ кæны барадхъахъхъæнæг оргæнты.

Æмбырды кæрон  адæм, хъæбатыры ном мысгæйæ, æдзæмæй алæууыдысты æмæ номарæн фæйнæджы цур сæвæрдтой дидинджытæ.

Милицæйы сержант Руслан Захаров фæмард 1994 азы 24 августы. Бирæ адæм кæм уыд,  ахæм базарадон залæй æдас ранмæ адæмы ракæныны фадат радта йе ‘мслужбæгæнджытæн, йæхæдæг базгъордта, гранат кæмæ уыд, уыцы фыдгæнæгмæ, йæ къух ын ацахста æмæ йын æй адæмы ‘рдæм фехсын нæ бауагъта.  Тохы рæстæг гранат срæмыгъта. Милиционер  уæззау схъисдзæфтæ фæци æмæ  фæмард. Уæрæсейы Федерацийы Президенты Указмæ гæсгæ,  Руслан Захаров хорзæхгонд æрцыд Хъæбатырдзинады орденæй (йæ адзалы фæстæ).

Павел НАЗАРЕНКО

ОСТАВЬТЕ ОТВЕТ

Please enter your comment!
Please enter your name here