Проекттæ бацæттæ кæндзысты

0
198

Аланийы саргъуыды 1100 азы бæрæгбонмæ Цæгат Ирыстоны рагон чырыстон аргъуантæ, культурон объекттæ цалцæг кæнынæн ацы аз бацæттæ кæндзысты проектон документаци. Æдæппæтæй хъуамæ бакусой фараст объекты документтыл.

Алагиры районы Мамысонгомы XI æнусы аргъуан, Хъесаты хъæуы Сыгъдæг Георги уæлахизхæссæджы хæлд аргъуан, Æрæфы районы чырыстон нысандартимæ мæсгуытæ — ацы объекттæн документтæ саразыны хъуыддаг рæгъмæ рахастæуыд. Равæрдтой сæ аукционы.

Аукционы уагæвæрдмæ гæсгæ ма проекттæ бацæттæ кæндзысты чырыстон дины нысандартимæ æндæр мæсгуытæн: Алагиры, Рахизфарсы районты, Хетæгкаты Къостайы номыл Ирон литературæйы музейы бæстыхай (уый раздæр уыдис Терчы зылды музей).

Уыцы хъуыддæгтæн дихгонд цæуы 16,6 милуан сомы, сты республикон бюджеты æхца. Куыстытæ хъуамæ сæххæст кæной фæззæгмæ. Электронон аукционмæ куырдиаттæ бадæттæн ис 29 апрелмæ.

Нæ уацхæссæг

ОСТАВЬТЕ ОТВЕТ

Please enter your comment!
Please enter your name here