Фыдыбæстæйы Стыр хæсты Уæлахизы 75 азы юбилейы бæрæгбонмæ цæттæ кæнгæйæ, æнæххæст бæрнондзинады æхсæнад «Газпромы Дзæуджыхъæуы газуарæн»-ы кусджытæ бæрæг кæнынц æнусон артимæ номарæн комплексты газы ифтонггæрзты техникон уавæр.
Ацы мæйы кæронмæ компанийы специалисттæ сбæрæг кæндзысты Цæгат Ирыстоны 54 номарæн комплексы.
Компаниты къорд «Газпром межрегионгаз»-ы фæндонæй уыцы куыст æххæст кæнынц æппæтуæрæсеон акци «Сыгъдæг табуйаг хæс. Æнусон хъуыдæг»-мæ гæсгæ.
Газы компанийы кусджытæ рабæрæг кæнынц æнусон арты техникон уавæр, стæй йын йæ алыварс фæзуат бафснайынц. Бахъуаджы заман специалисттæ æнусон арт рæстæгмæ бынатмæ раивынц, стæй йæ йæ раздæры бынаты сæвæрынц.
— Фыдыбæстæйы Стыр хæсты чи фæмард, уыцы æфсæддонты рухс нæмттæ бахъахъхъæныны бæрнондзинад нæм кæй хауы, уый нымайгæйæ, номарæн комплексты техникон уавæрмæ иудадзыг нæ цæст дарæм, — зæгъы «Газпромы Дзæуджыхъæуы газуарæн»-ы директор Хъодзаты Алан.
Нæ уацхæссæг
