Цæгат Ирыстоны паддзахадон медицинон академи æмæ Æфсæддон рынчындон рацараздзысты, COVID-19 низæфтауæг кæмæ рабæрæг, уыцы адæмы дзæбæх кæнынæн.
Уæрæсейы Хицауады Сæрдар Михаил Мишустин сфидар кодта, æххæстгæнæг хицаудзинады федералон оргæнты медицинон кусæндæттæй коронавирусæй рынчынты кæм дзæбæх кæндзысты, уыдоны номхыгъд.
14 маймæ коронавирусæй рынчынтæн Цæгат Ирыстоны паддзахадон медакадемийы бацæттæ кæндзысты 200 сынтæджы, Æфсæддон рынчындоны та сын 15 маймæ сараздзысты 30 бынаты.
Ирыстонæй фæстæмæ ма уæлæмхасæн бынæттæ сараздзысты Мæскуыйы облæсты, Бетъырбухы, Хъырымы, Краснодары крайы, Чуваши æмæ Приморьейы дæр.
