Дзæуджыхъæуы Галиуфарсы префектурæйы разамонæг Таутиаты Æхсары ныхасмæ гæсгæ, Цæгат Ирыстоны сæйраг горæты администраци зианмæ æрбацæуæг адæмы ифтонг кæны улæфæн оргæнты индивидуалон хъахъхъæнынады фæрæзтæй.
— Æстæм майæ фынддæсæм майы онг, æхсай зианмæ æрбацæугæйæ, префектурæйы кусджытæ мæрддзыгой адæмæн хъахъхъæнæн маскæтæ лæвар байуæрстой, — загъта Таутийы-фырт.
Фиппаинаг: республикæйы Сæргълæууæг Битарты Вячеславы указмæ гæсгæ, бахастæуыд зианмæ æрбацæуджыты нымæц фæндзай адæймаджы онг фæкъаддæр кæныны фæндон.