Хæцгæниз адæмы царды уавæртæ кæд зынгæ февзæрдæр кодта, уæддæр бирæтæ æппæт фæлхасгонд фæрæзтæн афойнадыл фидынц. Уый тыххæй сын уæлдай бузныг зæгъынц компани «Россети Северный Кавказ»-ы разамонджытæ.
«Мах бæрнон стæм фиддонтæ æмбырд кæнынæн, дарддæр та, энергосистемæйы æнæкъуыхцы, ахадгæ куыст кæмæй аразгæ у, энергетикæйы уыцы организациты раз сæхгæнæм нæ хæстæ. Уыцы фæтк куы фехæлы, æмтъеры дæр уæд бавзарæм, æрмæстæр афойнадыл фидгæйæ, фæлхасгæнджытæ цух нæ уыдзысты электрон тыхæй»,— загъта «Россети Северный Кавказ»-ы филиал «Севкавказэнерго»-йы директор Таболты Алыксандр.
2020 азы 2 апрелы Уæрæсейы Хицауад коммуналон лæггæдтæн афойнадыл нæ фидыны тыххæй ивар æвæрын рæстæгмæ бауромыны фæдыл сæрмагонд уынаффæ рахаста. Фæлæ фæлхасгæнджыты бынтондæр уыцы хæсæй не суæгъд кодта. Уыдонæн сæ фиддонтæ куы фегæр уой, уæд сыл æваст нал аххæсдзысты. Уымæ гæсгæ сæ сабыргай фидын хъæуы. Энергокомпаниимæ æмархайд та æххæстгæнæн ис, хæдзары уæвгæйæ, компанийы сайты сервис «Личный кабинет»-ы руаджы, иннæ ахæм — «Сбербанк России»-йы терминалтæ æмæ банкоматты.
«Севкавказэнерго»-йы пресс-службæ
