Ацы азы фыццаг кварталы къахгæ æрдзон хæзнаты амалкæнынады æппæт кусæндæтты уагъд, æвгæд товарты, стæй æххæстгонд куыстыты æмæ лæггæдты бæрц рауад 116,0 милуан сомы (архайæг æргътæй нымайгæйæ), фароны уыцы рæстæгимæ абаргæйæ — 84,7%, хомагкусæг куыстады — 3194,1 милуан сомы (95,9%), электрон тыхæй, газ æмæ донытæфæй ифтонггæнæг, стæй уæлдæф кондиционерæй уадзыны куыстады — 2945,0 милуан сомы (144,1%), донæй ифтонгады, донуадзыны, æппарæццæгтæ æмбырд кæнынæн æмæ сæ æфснайынæн фадæтты арæзтады, стæй чъизидзинæдтæ иуварс кæныны фæдыл архайды куыстады та — 333,4 милуан сомы (103,5%).
Ацы азы фыццаг кварталы, фароны уыцы рæстæгимæ абаргæйæ, æппæт кусæндæттæ нымайгæйæ, промышленнон куыстады индекс рауад 105,3%.
Доломит æмæ чъырдуры куыстады бæрц кæй фæкъаддæр, уый нымайгæйæ, ацы азы фыццаг кварталы, фароны уыцы рæстæгимæ абаргæйæ, къахгæ æрдзон хæзнаты куыстады индекс рауад 72,2%.
Ацы азы æртæ мæймæ, фароны уыцы рæстæгимæ абаргæйæ, маргъы дзидза 2,8%, къалбасы 77,4 %, фыдызгъæлæй конд хойраг 47,2%, æхсыр 3,7%, цыхт 2,7 хатты, туаг æхсырæй конд хойраг 22,9%, спъирт 14%, водкæ 19,9%, сырсыргæнаг æмæ шампайнаг сæнтæ 62,1%, уæнгроггæнæг нозт 4,3%, суæрттæ 2,2 хатты, бæгæны 30,3%, пластмассæй арæзт дуæртты блоктæ 8,6%, пластмассæй арæзт рудзгуыты блоктæ 12%, авгæй бæрцуæттæ 8,8%, агуыридур 75%, товарон бетон 1,1%, æфсæнсыфтæ 3%, бандæттæ та 9,8% фылдæр кæй рауагътой, уый нымайгæйæ, хомагкусæг куыстады индекс рауад 111,4%.
Нæлхæ рауагъдæуыд 30,1%, сæлдæг 2,1 хатты, адджинæгтæ 15,5%, рудзынгæмбæрзæнтæ 30,4%, полимерон пленкæтæ 15,1%, блоктæ æмæ æндæр æмбырдгæнæн арæзтадон дзаумæттæ 34,7%, асфальт-бетон 0,2%, æрдæгуадзæн прибортæ 16%, стъолтæ та 15,9% къаддæр.
Электрон тыхæй, газ æмæ донытæфæй ифтонгад; уæлдæф кондиционерæй рауагъд. Ацы азы фыццаг кварталы, фароны уыцы рæстæгимæ абаргæйæ, куыстады индекс рауад 113,8%. Электрон тых рауагъдæуыд 41,9% фылдæр, тæвды тых та — 4,2% къаддæр.
Донæй ифтонгад; донуагъд, æппарæццæгтæ æмбырд кæнынæн æмæ сæ æфснайынæн фадæтты арæзтад, чъизидзинæдтæ иуварс кæныны фæдыл архайд. Ацы азы фыццаг кварталы, ивгъуыд азы уыцы рæстæгимæ абаргæйæ, куыстады индекс рауад 91,6%.
