«Алани» рæстæгмæ хъаздзæн Грознайы

0
227

Дзæуджыхъæуккаг «Алани» национ футболон лигæйы 2020-2021 азты сезоны «хæдзарон» хъæзтыты иу хай кæндзæн Грознайы стадион «Ахмат Арена»-йы.

Уый тыххæй информацион агентад «РИА Новости»-йы уацхæссæгæн фехъусын кодта футболон клубы президенты уынаффæгæнæг Денис Рубцов.

Зындгонд куыд у, афтæмæй ивгъуыд майрæмбоны Уæрæсейы футболон цæдис национ футболон лигæйы уæнгты номхыгъдмæ бахаста дзæуджыхъæуккаг «Алани»-йы дæр.

«Ныртæккæ дзæуджыхъæуккаг стадион «Спартак» балæвæрдтам сертификаци скæнынмæ. Уый фæдыл документтæ цалынмæ нæ райсæм, уæдмæ уал «Алани» йæ «хæдзарон» хъæзтытæ кæндзæн Грознайы «Ахмат Аренайы”, — загъта Денис Рубцов.

Йæ ныхасмæ гæсгæ, клубæн лицензи райсыны фæдыл хъæугæ документтæ райсыны тыххæй нæ куырдиаты рагагъоммæ снысан кодтам «Ахмат Арена». «Уыимæ, æппæт фадæттæй дæр архайдзыстæм, цæмæй «Спартак», куыд гæнæн ис, афтæ раздæр æрцæуа сертификацигонд, æмæ «Алани» ногæй Дзæуджыхъæуы хъазын райдайа», — фæнысан кодта клубы президенты уынаффæгæнæг.

Зындгонд куыд у, афтæмæй стадион «Спартачы» ныртæккæ цæуынц рацарæзты куыстытæ. Уыимæ, чиновникты ныхасмæ гæсгæ, аразджытæ архайынц нырма æрмæстдæр стадионы трибунæты цалцæгыл. Уыцы æууæл фадат ратдзæн, цæмæй «Алани» йæ «хæдзарон» хъæзтытæ кæна Дзæуджыхъæуы.

 

Нæ уацхæссæг

ОСТАВЬТЕ ОТВЕТ

Please enter your comment!
Please enter your name here