Ацы аз Дзæуджыхъæуы Евгений Вахтанговы номыл Уырыссаг академион театр архайдзæн фестивал «Хъырымы театралон фæззæджы».
Уый тыххæй журналисттæн фехъусын кодта театры аивадон разамонæг Владимир Уваров. Театры разамонæджы ныхасмæ гæсгæ, фестивал арæзт цæуы не Стыр Уæлахизы 75 азы кадæн.
«Мах нæхицæн уæлдай кадыл нымайæм, уыцы фестивалмæ нæ кæй фæхуыдтой, уымæй. Уым равдисдзыстæм спектакл «А зори здесь тихие». Спектакл театры сценæйыл æвæргæ дæр Уæлахизы 75 азы кадæн скодтам, фæлæ, хъыгагæн, коронавирусы эпидемийы аххосæй «А зори здесь тихие» аивадуарзджытæн хуызæнæн æвдисгæ дæр нæ ракодтам. Уыцы æууæл хынцгæйæ, фестивалы фæстæ нæ театралон сезон куы байгом кæнæм, уæд дзы сæрмагонд бынат уыдзæн ацы спектаклæн», — загъта Владимир Уваров.
Спектаклы режиссер-æвæрæг у Ольгæ Ленковская.
«Хъырымы театралон фæззæг» байгом уыдзæн 8 сентябры горæт Ялтæйы.
Нæ уацхæссæг
