Алагиры интернаты фӕзынд «Рӕзты тӕлм»

0
299

Алагиры скъола-интернаты ацы бонты кусын райдайдзӕн нымӕцон ӕмӕ гуманитарон ахуырады центр «Рӕзты тӕлм».

Уый тыххӕй фехъусын кодта РЦИ-Аланийы Ахуырад ӕмӕ наукӕйы министрады пресс-службӕ.

Пресс-службӕйы ныхасмӕ гӕсгӕ, ныр интернаты 350 хъомылгӕнинагӕн фӕзындзӕн информатикӕ, технологи ӕмӕ ӕндӕр предметтӕ нырыккон кусӕнгӕрзты фӕрцы бӕстондӕр ахуыр кӕныны фадат. Скъоладзаутӕн центры ахуыртӕ араздзысты урокты фӕстӕ ӕмӕ сын арфдӕр зонындзинӕдтӕ дӕтдзысты уӕлдӕр амынд предметтӕй, стӕй сӕ ӕмхиц кӕндзысты нырыккон техникон ӕмӕ гуманитарон ахуырады технологитӕм. Центры спецалисттӕ фӕсивӕдӕн кӕндзысты шахмӕтты ӕмӕ ӕндӕр цымыдисаг интеллектуалон хъӕзтыты къордтӕ ӕмӕ конкурстӕ…

Интернаты ног центрӕн цы бӕстыхай радих кодтой, уый сӕрды мӕйты дӕргъы рацарӕзтой. Ныридӕгӕн та дзы сӕвӕрдтой хъӕугӕ сӕрмагонд ахуырадон кусӕнгӕрзтӕ. Алагираг скъоладзаутимӕ чи кусдзӕн, уыцы специалисттӕн рагагъоммӕ сӕрмагонд ахуырадон курсытӕ сарӕзтой дзӕуджыхъӕуккаг «Кванториум»-ы.

Ахуырад ӕмӕ наукӕйы министрады пресс-службӕйы минӕвары ныхасмӕ гӕсгӕ, амынд центрты сӕйрагдӕр нысан у ног ахуырадон технологитӕ ӕмӕ методикӕтӕ хъӕууон цӕрӕн бынӕттӕм фӕхӕццӕ кӕнын. Куыд нысангонд цӕуы, афтӕмӕй 2020 азы нӕ республикӕйы хъӕууон районты байгом уыдзысты 42 ахӕм центры.

Зӕгъын хъӕуы, «Рӕзты тӕлмытӕ» фыццаградон национ проект «Ахуырад»-ы фӕлгӕты кӕй аразынц, уый дӕр.

Нӕ уацхӕссӕг

ОСТАВЬТЕ ОТВЕТ

Please enter your comment!
Please enter your name here