Дзӕуджыхъӕуккаг «Росгварди»-йы иугонды хӕстон службӕгӕнджытӕ бабӕрӕг кодтой хӕстон-историон мемориалон комплекс «Барбашовы фӕз», уымӕй ссардтой, Фыдыбӕстӕйы Стыр хӕсты рӕстӕг нӕ бӕстӕ чи хъахъхъӕдта, уыдоны ӕнӕмӕлгӕ нӕмттӕ.
«Росгварди»-йы уӕнгтӕ экскурсийы бынат хуымӕтӕджы нӕ равзӕрстой. Уыцы ран немыцаг фашистты ныхмӕ хъӕбатырӕй хӕцыдысты НКВД-йы ӕфсӕдтӕ. Уыцы тохты йӕ хъӕбатырдзинад равдыста НКВД-йы дзӕуджыхъӕуккаг дивизийы, 34-ӕм мотоӕхсӕг полчъы кӕстӕр сержант Петр Барбашов.
Уый йӕхицӕй сӕхгӕдта знаджы дзот ӕмӕ дӕлхайадӕн фадат радта размӕ абырсынӕн. Советон Цӕдисы Уӕлдӕр Советы Президиумы Указӕй 1942 азы 13 декабры Петр Барбашовӕн йӕ амӕлӕты фӕстӕ лӕвӕрд ӕрцыди Советон Цӕдисы Хъӕбатыры ном.
«Росгварди»-йы хӕстон службӕгӕнджытӕ дидинджытӕ сӕвӕрдтой, Кавказыл тохгӕнгӕйӕ, сӕ цард чи радта, уыцы хъӕбатырты ингӕнтыл.
Нӕ уацхӕссӕг
