Архайдтой журналистты ӕппӕтуӕрӕсеон форумы

0
247

Цӕгат Ирыстоны Сӕргълӕууӕг Битарты Вячеславӕн фембӕлд уыд нырыккон журналистикӕйы ӕппӕтуӕрӕсеон форум «Вся Россия-2020»-ы Цӕгат Ирыстонӕй чи архайдта, уыцы делегацийы уӕнгтимӕ.

Ӕмбырды райдайӕны республикӕйы разамонӕг журналисттӕн арфӕ ракодта, уыцы минӕварджын форумы ӕнтыстджын архайд кӕй равдыстой, уый фӕдыл.

— Зонын ӕй, ӕрӕджы Сочийӕ, журналистты ӕппӕтуӕрӕсеон форумӕй кӕй сыздӕхтыстут, уый. Форумы программӕйы цы бирӕ ахсджиаг ӕмӕ цымыдисаг мадзӕлттӕ уыд, уыдонӕй иу хай уыдысты, регионтӕ цы презентацион равдыстытӕ бацӕттӕ кодтой, уыдон. Форумы архайджытӕ ӕмӕ саразджытӕ Цӕгат Ирыстоны презентаци хуыздӕрыл кӕй банымадтой, уый тыххӕй уын арфӕ кӕнын. Ныр бирӕ азты дӕргъы ацы форуммӕ ӕрбамбырд вӕййынц ӕппӕт уӕрӕсейаг регионты журналисттӕ, уым сын фадат вӕййы кӕрӕдзи фӕлтӕрддзинадимӕ бӕстондӕр базонгӕ уӕвынӕн, сӕ профессион дӕсныдзинад зынгӕ фӕбӕрзонддӕр кӕнынӕн… Уыцы хъуыддаджы ахадгӕ куыст кӕнынц УФ-йы Журналистты цӕдисы уӕнгтӕ Владимир Соловьевы разамындӕй, — загъта Битары-фырт.

Делегацийы уӕнгтӕ бӕстон радзырдтой форумы куысты тыххӕй. Уыимӕ, делегацийы уӕнгтӕ Цӕгат Ирыстоны Сӕргълӕууӕгӕн бузныг загътой, сӕ зӕрдӕзӕгъгӕ архайдӕн сын ӕппӕт фадӕттӕ дӕр кӕй сарӕзта, уый тыххӕй. Зындгонд куыд у, афтӕмӕй Цӕгат Ирыстоны ӕнтыстджын презентацион равдыстӕй уӕлдай, нӕ республикӕйы делегацийӕн форумы аразджытӕ саккаг кодтой бирӕ хӕрзиуджытӕ алыхуызон профессион номинациты.

Уыимӕ, ацы аз журналисттӕй уӕлдай, Цӕгат Ирыстон форуммӕ арвыста, алы министрадтӕ ӕмӕ ведомствӕты пресс-службӕты чи кусы, уыцы специалистты дӕр. ӕмӕ уыдон дӕр сӕ балцӕй разыйӕ баззадысты — бирӕ цымыдисаг хъуыддӕгты архайдтой, бирӕ пайдайаг ногдзинӕдтӕ базыдтой.

— Ӕз республикӕйы разамындӕй бузныг дӕн, ахӕм уӕрӕх ӕмбырды архайыны фадат мын кӕй фӕци, уый тыххӕй. Ахӕм фембӕлдтытӕ ахъаз сты профессион дӕсныдзинады къӕпхӕн бӕрзонддӕр кӕнынӕн, — ахӕм у йӕ хъуыды РЦИ-Аланийы Арӕзтад ӕмӕ архитектурӕйы министрады пресс-службӕйы кусӕг Янӕ Войтовайӕн.

Форумы бӕрӕггӕнӕнтыл ӕрдзурынӕй уӕлдай, республикӕйы Сӕргълӕууӕгимӕ фембӕлды журналисттӕ боны фӕткмӕ бахастой цалдӕр ахсджиаг фарсты дӕр. Афтӕ, ис фӕндон, цӕмӕй къабазӕн кадртӕ цӕттӕ кӕныны куыстмӕ раздахой зындгонд уӕрӕсейаг специалистты ӕргом. Ахӕм ахуырадон фӕз саразыны фӕдыл проект хӕстгонд ӕрцыд Цӕгат Ирыстоны Мыхуыры ӕмӕ дзыллон коммуникациты хъуыддӕгты фӕдыл комитет ӕмӕ УФ-йы Журналистты цӕдисы регионалон хайадӕн.

Уымӕй уӕлдай, ӕрдзырдӕуыд, пандемийы ӕууӕлты архайгӕйӕ, муниципалон дзыллон информацийы фӕрӕзтӕн цы ӕххуыс бакӕнын хъӕуы, ууыл дӕр. Ацы ӕмӕ ӕндӕр фарстыты фӕдыл Битарты Вячеслав бӕлвырд амынддзинӕдтӕ радта профилон ведомствӕты разамонджытӕн.

РЦИ-Аланийы Сӕргълӕууӕджы ӕмӕ Хицауады

 

 

ОСТАВЬТЕ ОТВЕТ

Please enter your comment!
Please enter your name here