Бæрæгбоны арфæтæ

0
12

Зынаргъ хæлæрттæ!

Республикæйы сфæлдыстадон интеллигенцийы минæвæрттæн арфæ кæнын сæ профессион бæрæгбон — Культурæйы кусæджы боны фæдыл!
Сымах архайд уæлдай ахсджиаг æмæ ахадгæ у, уымæн æмæ литературæ, нывкæнынад, театр, хореографи, аивады æппæт хуызтæ сты, цæсты гагуыйау хъахъхъæнын æмæ иу фæлтæрæй иннæмæ æнæхъыгдардæй дæттын кæй хъæуы, ахæм удварнон хæзнатæ.
Æхсызгонæй мæ фæнысан кæнын фæнды, Цæгат Ирыстоны культурæйы къабазы, йæ равзæрст дæсныйадыл æнувыд чи у, ахæм æцæг профессионалтæ кæй кусы, уый. Уыдон æнæвгъауæй адæмæн дæттынц, æрдз сын цы æвидигæ курдиат балæвар кодта, уый. Уыдон сæ дæсныдзинадæй барухс кæнынц аивадуарзджыты зæрдæтæ.
Библиотекæтæ, музейтæ æмæ театрты кусджытæ, фысджытæ, актертæ, режиссертæ, кафджытæ, нывгæнджытæ, зарæггæнджытæ — сымахæй алкæмæн дæр бузныг зæгъын уæ сыгъдæгзæрдæ æмæ хъазуатон куысты тыххæй. Уæ арфæйаг архайд ахъаз кæны адæймаджы удварны дарддæры рæзтæн, рæсугъд æнкъарæнтæ гуырын кæны зæрдæты.
Цæгат Ирыстоны культурон цард уæрæх æмæ бирæвæрсыг у. Нæ театртæ, кафджыты ансамблтæ, оркестртæ, зарæггæнджыты къордтæ зæрдиагæй архайынц рухстауæн æмæ гастролон куысты. Сæ аивадæй барухс кæнынц æрмæст се ‘мзæххонты нæ, фæлæ иннæ уæрæсейаг регионтæ æмæ фæсарæйнаг бæстæты цæрджыты зæрдæтæ дæр.
Æмæ уæдæ дунейы фарн зæгъæд, цæмæй хъæздыг культурон традицитæ дарддæр дæр æнæихсигæ бындур уой нæ республикæйы бирæнацион адæмы фарны рæзтæн, æнæкъуыхцы размæцыдæн.

Цæгат Ирыстоны культурæ æмæ аивады æппæт архайджытæн дæр мæ зæрдæ зæгъы фидар æнæниздзинад, амонд æмæ сфæлдыстадон æнтыстдзинæдтæ!

Битарты Вячеслав,
Республикæ Цæгат Ирыстон-Аланийы Сæргълæууæг

ОСТАВЬТЕ ОТВЕТ

Please enter your comment!
Please enter your name here