Кӕронбӕттӕны архайдзӕн

0
44

Дзӕуджыхъӕуы электроникӕйы колледжы студент Габысаты Руслан Цӕгат Ирыстоны номӕй архайдзӕн 9-ӕм национ чемпионат «ӕрыгон профессионалты» компетенци «Веб-дизайн и разработкӕ»-йы.

Кӕронбӕттӕн ерыстӕ 25-29 августы ацӕудзысты Башкортостаны сӕйраг горӕт Уфайы. Ӕвзарӕн ерысты уӕлахизы фӕрцы Габысы-фыртӕн радтой кадджын конкурсы кӕронбӕттӕны архайыны бар. Кӕронбӕттӕны архайӕг 1800 адӕймаджы ерыс кӕндзысты 105 профессион компетенцимӕ гӕсгӕ.

Ныртӕккӕ колледжы ахуыргӕнджытӕ Русланы цӕттӕ кӕнынц кӕронбӕттӕн ерыстӕм. Лӕппу тырны теоретикон зонындзинӕдтӕ ӕмӕ практикон фӕлтӕрддзинад фӕфылдӕр кӕнынмӕ.

— Компетенци «Веб-дизайн и разработкӕ»-йы ерысты архайджыты хӕс у сӕ зонындзинӕдтӕ веб-технологиты къабазы равдисын, веб-дизайн, версткӕ, стӕй лӕггадгӕнӕджы ӕмӕ клиентырдыгӕй программӕ аразыны куыст нымайгӕйӕ. Ацы ӕууӕл хынцгӕйӕ, ерыстӕм студентты цӕттӕ кӕныны рӕстӕг уӕлдай фылдӕр ӕргом здахӕм ног компьютерон программӕтыл куысты фӕлтӕрддзинадмӕ, — зӕгъы ахуыргӕнӕндоны директор Дзугкойты Руслан.

Ерыстӕм Габысы-фырты цӕттӕ кӕныны куысты архайынц канд колледжы ахуыргӕнджытӕ нӕ, фӕлӕ, фаг профессион зонындзинӕдтӕ кӕмӕ ис, ахӕм тренертӕ дӕр.

Гӕлӕуты Наталья

ОСТАВЬТЕ ОТВЕТ

Please enter your comment!
Please enter your name here