Культурон хæзна

0
143

Кæронмæ арæзт æрцыд наукон-рацарæзты проект «Память Беслана». Уыцы хабар фехъусын кодта рацарæзты компани «СКИФОС-РСК»-йы разамонæг Петр Павлов.

— Культурон бынты объектыл нымад чи æрцыд, Беслæны 1-æм скъолайы уыцы бæстыхай, куыддæриддæр у, уыцы хуызы йæ бахъахъхæныны хъуыддагмæ нæ специалисттæ бахастой стыр бавæрæн. Æппæт куыстытæ дæр æххæст кодтой иттæг дæсны нывгæнæг-декоратор Ольгæ Соколовайы разамындæй, — загъта Петр Павлов.

Æппæт куыстытæ дæр специалисттæ скодтой лæвар. Цалынмæ куыстой, уæдмæ сын нæ республикæйы цæрыны хæрдзтæ йæхимæ райста компани «СКИФОС-РСК».

— Баззадысты ма бæстыхайæн йæ мидæггаг куыстытæ. Цалцæггæнинаг ма сты 18 кабинеты, дыууæ къæлидоры æмæ стыр зал, æмæ уыдон дæр арæзт æрцæудзысты Ольгæ Соколовайы разамындæй, — йæ ныхасмæ бафтыдта Петр Павлов.

Проектыл кусын райдыдтой 15 сентябры. Куыстыты архайынц 23 æрыгон специалисты Уæрæсейы авд регионæй. Уыдон сты архитектортæ, рацаразджытæ, инженертæ æмæ нывгæнджытæ.

Гугкаты Жаннæ

ОСТАВЬТЕ ОТВЕТ

Please enter your comment!
Please enter your name here