Иумæ — ракы ныхмæ

0
182

Нæ республикæйы онкодиспансеры ацыд радон гом дуæртты мадзал. Акци арæзт цæуы, онкологон низтæй рынчынты ассоциаци «Æгас цу» æмæ Республикон онкодиспансеры хъæппæрисæй, РЦИ-Аланийы Æнæниздзинад хъахъхъæнынады министрады æххуысæй  ныр цыппæрæм хатт. Мадзал арæзт цæуы онкологон низтæ развæлгъау сбæрæг кæныны куысты бындурыл.

Акцийы архайдта РЦИ-Аланийы æнæниздзинад хъахъхъæнынады министр Тебиаты Сослан. Разамонæг фæнысан кодта, куыд тынг ахсджиаг у Ассоциациимæ æмгуыст кæнын, уый.

— Гом дуæртты бон нæ диспансеры традицион æмæ æрвылазон мадзал сси. Ацы аз æй кæнæм цыппæрæм хатт. Акцимæ здахæм нæ бæстæйы институтты хуыздæр специалистты. Уый стыр æххуыс у нæ республикæйæн онкологон низтæ раздæр сбæрæг кæныны  куысты, — загъта министр.

Онкологон рынчынты ассоциаци «Æгас цу»-йы президент Иринæ Борова куыд бацамыдта, афтæмæй акцийæн стыр ахадындзинад ис Цæгат Ирыстоны.

—  Уынæм, куыд ахсджиаг мадзал у уæ республикæйы, уый. Адæм се ‘нæниздзинадмæ биноныг æргом здахынц, æмæ уый раст миниуæг у. Онкологон низтæ кæмæ разыны, уыдонæн мах, æнæмæнг, кæнæм æххуыс. Æрбахонæм нæ бæстæйы алы рæттæй æппæты хуыздæр специалистты. Се ‘хсæн вæййынц химиотерапевттæ, онкохирургтæ дæр. Уыдон дзæбæх кæнынц, тыхстдæр уавæры чи ис, уыцы рынчынты, — загъта Иринæ Борова.

Дыууæ боны дæргъы 500 рынчыны консультацитæ райстой нæ республикæйы æмæ федералон онкоцентрты специалисттæй. Рынчынты уавæр бæрæг кодтой: онкогинекологтæ, маммологтæ, урологтæ, хирургтæ, сæры æмæ бæрзæйы онкологон низты дохтыртæ æмæ химиотерапевттæ.

Рынчынты æппæт консультацитæ æмæ дзæбæх кæныны мадзæлттæ сты лæвар.

Нæ зæрдыл æрлæууын кæнæм: РЦИ-Аланийы Æнæниздзинад хъахъхъæнынады министрад æмæ Æппæтуæрæсеон æхсæнад  «Онкологон рынчынты ассоциаци “Æгас цу”-йы организациимæ æмгуыстады бадзырд арæзт æрцыд. Иннæ радон мадзал, акци «Иумæ — ракы ныхмæ» та ацæудзæн зымæджы.

Джихаты Стеллæ

ОСТАВЬТЕ ОТВЕТ

Please enter your comment!
Please enter your name here