Уæллаг Фиййагдоны пульмонологон центры проекты-хæрдзты документаци паддзахадон экспертизæйæ райста разыйы хатдзæг. «Хъуамæ куыстытæм бавналой ацы аз», — зæгъынц «Уæрæсейы сæйраг экспертизæ»-йы кусджытæ ТАСС-æн.
«Паддзахадон экспертизæ æркаст Цæгат Ирыстоны арæзтадон проекттæм æмæ сразы ис Республикон пульмонологон центры рацарæзтыл. Проекты-хæрдзты документаци райста æвæрццæг хатдзæг», — загъд ис хъусынгæнинаджы.
Уæрæсейы паддзахадон экспертизæйы пресс-службæ куыд бацамыдтой, афтæмæй ацы центр Цæгат Кавказы нымад у рæуджыты низтæ дзæбæхгæнæн хуыздæр бынатыл. Йæ зæронд бæстыхайы рацарæзтмæ хъуамæ бавналой 2023 азы. Куыд дзурынц, афтæмæй 2022 азы центр райста ног медицинон ифтонггæрзтæ, нырыккон кардиограф, рентген-аппарат, кардио-пульмонологон станцæ, рæуджытæ æмæ улæфæнты иртасæн фæрæз, техникæйы æндæр хуызтæ. Фæлæ уæддæр бæстыхай хъæуы цалцæг кæнын, æппæт рынчынты сдзæбæх кæнынæн фадæттæ нæ фаг кæнынц.
Уæрæсейы Президент Владимир Путин бафæдзæхста Цæгат Ирыстоны пульмонологон центры ног бæстыхай саразын, йæ рагон бæстыхай та йын рацаразын. Пульмонологон центр бахастой федералон инвестицион программæмæ. Уыцы нысантæн федералон центр радих кодта 1 миллиард сомы.
Нæ уацхæссæг
