Хæрзиуджытæ — хъæбатырты бинонтæн

0
25

РЦИ-Аланийы Сæргълæууæг Сергей Меняйло фембæлд, сæрмагонд хæстон операцийы архайгæйæ, Украинæйы чи фæмард, уыцы хæстонты бинонтимæ.

Хъуыддаджы архайдтой Уæрæсейы гвардийы Цæгат-Кавказаг зылды штабы разамонæг, инæлар-майор Евгений Детковских, Цæгат Ирыстоны Гвардийы управленийы хицау, пъæлицæйы инæлар-майор Валерий Голота æмæ Гвардийы Дзæуджыхъæуккаг иугонды командæгæнæджы хæстæ рæстæгмæ æххæстгæнæг Роман Трубин.
Службæйы хæстæ æххæст кæнгæйæ, лæгдзинад, æвзыгъддзинад æмæ хиуыл нæ ахъуыды кæныны æууæлтæ равдисыны тыххæй Уæрæсейы гвардийы цæгатирыстойнаг управленийы кæстæр лейтенант æмæ ефрейтор (сæ мæлæты фæстæ) хорзæхгонд æрцыдысты Хъæбатырдзинады ордентæй.
Республикæйы разамонæг хъæбатырты хæстæджытæн тæфæрфæс ракодта, хæрзиуджытæ сæм радта. «Нæ Фыдыбæстæйæн ахæм патриоттæ кæй схъомыл кодтат, уый тыххæй уын стыр бузныг. Нæ бæстæйы сабыр фидæны тыххæй сæ цард чи радта, уыдоны нæмттæ махæй рох нæ уыдзысты», — фæбæрæг кодта республикæйы Сæргълæууæг.
Куыд ма бацамыдта, афтæмæй, сæрмагонд хæстон операцийы чи фæмард, уыдоны бинонтæн республикæ алывæрсыг æххуыс кæндзæн. Евгений Детковских дæр хиуæттæн тæфæрфæс ракодта йæхи æмæ Уæрæсейы гвардийы Цæгат-Кавказаг зылды командæгæнæг, инæлар-булкъон, Сергей Захаровы номæй.

РЦИ-Аланийы
Сæргълæууæджы æмæ Хицауады
пресс-службæ

ОСТАВЬТЕ ОТВЕТ

Please enter your comment!
Please enter your name here