Тыхстаг фарстатимæ — горæты администрацийы сæргълæууæгмæ

0
94

Дзæуджыхъæуы бынæттон хиуынаффæйады администрацийы сæргълæууæг Милдзыхты Вячеславæн радон фембæлд уыд горæты цæрджыты къордимæ. Уыцы бон горæты разамонæгмæ сæ тыхстаг фарстатимæ æрбацыд дзæвгар адæм.

Куыд иннæ хæттыты, афтæ та ныр дæр адæмы куырдиæттæ баст уыдысты, куыд комкоммæ сæхи бинонты уавæримæ, афтæ горæтæгты иумæйаг цардархайды фарстатимæ дæр. Уыдонимæ — горæты уынгтæ æмæ кæртыты фæлгонцад, социалон кусæндæттæ æмæ фæндæгты цалцæг, сахъат адæмæн медицинон æмæ социалон æххуыс æмæ афтæ дарддæр.
Зæгъæм, Цъæхилты Маринæ горæты разамонæгмæ бахатыд, цæмæй Дзæуджыхъæуы 46-æм рæвдауæндоны санитарон сыгъдæгдзинады бæстыхæйттæ сцалцæг кæнынæн мадзæлттæ арæзт æрцæуа. Милдзыхты Вячеслав зæрдæ бавæрдта, фарста ацы аз лыггонд кæй æрцæудзæн, уымæй.
Баймæтаты Фатимæ та цæры Цъæййаг уынджы. Уыцы уынджы автомобилон фæндаг æмæ тротуартæ тынг заууат уавæры сты. Фатимæйы ныхасмæ гæсгæ, ныр 20 азæй фылдæр сæ уынджы фæндаг æмæ тротуартæ цалцæггонд никуыуал æрцыдысты. «Милдзыхы-фырт нын нæ куырдиатмæ лæмбынæг байхъуыста æмæ зæрдæ бавæрдта, нæ уынджы цалцæг ацы азы пъланмæ кæй бахæсдзысты, уымæй», — фæстæдæр радзырдта Фатимæ.
Афтæ, æппæт куырдиæттæ æмæ фиппаинæгты фæдыл дæр хаст æрцыд бæлвырд уынаффæтæ. Уыимæ, иу цæфæй цы фарстатæ алыг кæнæн нæй, уыдонмæ та сæрмагонд цæстдард уыдзæн горæты администрацийы профилон структурон дæлхайæдты бæрнон кусджыты ‘рдыгæй.

Дзæуджыхъæуы
администрацийы пресс-службæ

 

ОСТАВЬТЕ ОТВЕТ

Please enter your comment!
Please enter your name here