Не ‘мзæххон, æфсæддон дохтыр, медицинон службæйы майор Хуыгаты Леонард Уæрæсейы Федерацийы Президент Владимир Путины Указмæ гæсгæ хорзæхджын æрцыд «Æхсардзинады тыххæй» майданæй.
Йе ‘фсæддон æмæ профессионалон хæстæ æххæст кæнгæйæ, Леонард йæхи равдыста хъæбатыр æмæ иттæг арæхстджынæй. Мæрзойты Олег йæ телеграм-каналы куыд зæгъы, афтæмæй уыцы хæрзиуæг дæттынц, æрмæстдæр тохы быдыры чи фесгуыхы, уыдонæн.
Майор Хуыгаты Леонард иттæг хорз бæрæггæнæнтимæ каст фæци Уæрæсейы Хъахъхъæнынады министрады Æфсæддон-медицинон академи, ныртæккæ дæр ма уым фæсаууонмæ ахуыр кæны æфсæддон аспирантурæйы, фыссы кандидаты диссертаци. Раздæр Леонард архайдта сæрмагонд операцийы Сирийы Араббаг Республикæйы, уым хорзæхджын æрцыд Суворовы майданæй.
Нæ уацхæссæг
