Ирыстоны фехтованийы скъола Уæрæсейы хуыздæртæй иуыл нымад кæй у, уымæн æвдисæн у, Дзæуджыхъæуы нæ бæстæйы чемпионат цыппæрæм хатт кæй цæудзæн, уый.
Уæрæсейы тыхджындæр фехтовальщиктæ Ирыстоны ерыс кæндзысты 17-24 апрелы. Тохтæ цæудзысты Хъуылаты Бадзийы номыл Спортивон галуаны («Манеж»-ы).
Уæрæсейы спортсментæй уæлдай, чемпионаты архайдзысты Казахстан æмæ Республикæ Беларусы тыхджындæр фехтовальщиктæ.
Æдæппæтæй нæлгоймаг æмæ сылгоймæгты чемпионатты ерысы бацæудзысты 500 спортсмены. Уыдонимæ уыдзысты ирыстойнаг лæппутæ æмæ чызджытæ цыппор фондзæй.
Чемпионаты сылгоймæгты ‘хсæн Мæскуыйы облæст æмæ Ирыстоны номæй хæцдзæн дунеон къласы спорты мастер Хъесаты Маринæ. Нæ иннæ ирон чызг Бекмæрзты Янæ та ерыс кæндзæн Мæскуыйы номæй. Мæскуыйы спортивон кад хъахъхъæндзæн дунеон къласы спорты мастер Фардзинты Алан дæр.
Ирыстонæн, куыд чемпионаты фысымтæн, ерысты архайынмæ бар лæвæрд æрцыд æрыгон фехтовальщикты къордæн. Уыцы гæнæнæй нæ тренертæ, сæ сæргъы Уæрæсейы сгуыхт тренер Къадзты Фиалæ, афтæмæй спайда кодтой, æмæ чемпионаты сæ арæхст- дзинад æвдисдзысты 25 æрыгон чызг æмæ лæппуйы. Уыдонæн сæ кæстæртыл цæуы 14-15 азы.
Иу ныхасæй, чемпионат алцæмæй дæр уыдзæн цымыдисаг!
Баскаты Уырызмæг
