Уæрæсейы Президенты æххуысгæнæг Максим Орешкин кæй сарæзта, Цæгат Ирыстоны Хицауады Сæрдар Дзанайты Барис видео-конференцийы бастдзинады уагæй архайдта форум «Ног рæстæгæн — тыхджын хъуыдытæ» æмæ ацы форумы фæткмæ гæсгæ саразинаг хуыздæр ног фыдыбæстон куыстуæтты конкурс саразыны фарстайы фæдыл ахæм æмбырды.
Стратегион фæндæтты агентады генералон директор Светланæ Чупшева æмбырды тыххæй хабæрттæ радзырдта.
Амынд агентад æмæ фонд «Росконгресс» кæй расидтысты, уыцы конкурсы хæс у Уæрæсейы æппæт регионты пайдайаг куыстуæтты рæзтæн ахъаз кæнын (афтæ бакæныны фæрцы компанитæн уыдзæн сæ куыстады бæрц фæфылдæр кæнын æмæ федералон æмвæзадмæ рацæуыны фадат).
Чысыл æмæ рæстæмбис бизнесы минæвæрттæн — ома, æнæкъуыхцыйæ чи кусы æмæ фæлхасгæнджытæ аргъ кæмæн кæнынц, ахæм товартæ уадзæг компанитæн — ис конкурсы архайыны бар.
Æмбырды архайджытæ æрныхас кодтой форум саразыны, хуыздæр куыстуæттæ йæм равзарыны, стæй проекты уæлахиздзаутæн бæстæйы субъектты ‘рдыгæй æххуыс кæныны фарстатыл.
Цæгат Ирыстоны экономикон рæзты министр Кучиты Зауыры ныхасмæ гæсгæ, нæ республикæ хуыздæр куыстуæтты конкурсы парахатæй архайдзæн. Дзыллон мадзалы чи архайдзæн, ныртæккæ уыцы компаниты æвзарынц. Конкурсы фидæны архайджыты номхыгъдмæ кæй бахастой, уыдоны ‘хсæн сты хойраг æмæ промышленнон товаруадзæг, стæй информацион технологитæй ифтонггæнæг куыстуæттæ.
— Хуыздæр фыдыбæстон куыстуæтты конкурс кæй сараздзысты, уый нымайгæйæ, форум «Ног рæстæгæн — тыхджын хъуыдытæ» ноджыдæр ма иу ахсджиаг хæслæвæрд баххæст кæндзæн. Импорт хи продукцийæ баивыны уавæрты æнтыстджынæй чи кусы, Уæрæсейы ис къорд ахæм компанийы. Ацы æууæл нымайгæйæ, конкурс цæгатирыстойнаг куыстуæтты рæзтæн фæахъаз уыдзæн. Бынæттон компанитæн æппæт гæнæнтæй æххуыс кæнæм. Ацы компанитæй бирæтæ сæ продукци уæрæсейаг базармæ æрвитынц. Куыстуæттæ нырæй бæрзонддæр къæпхæнмæ цæмæй схизой, конкурс уымæн æмæ, æмткæй райсгæйæ, нæ регионы рæзтæн фæахъаз уыдзæн. Конкурсы цæмæй парахатæй архайæм, уымæ тырндзыстæм. Уæрæсейы Президент кæй радта, нæ республикæ уыцы хæслæвæрдтæ баххæст кæныны фæдыл куысты архайынмæ цæттæ у. Цæгат Ирыстоны профилон министрадтæ æмæ ведомствæтæн æппæт хъæугæ бардзырдтæ радтам, — загъта Дзанайы-фырт.
Алы регионæй дæр равзардзысты фондз уæлахиздзау куыстуаты. Уымæй уæлдай, фондз федералон уæлахиздзауы рабæрæг уыдзысты. Хуыздæр куыстуæттæм уыдзæн сæ уагъд товартæ базарадмæ барвитыны бар.
Ацы аз февралы ацæуæг Стратегион фæндæтты агентады цæстдарæг советы æмбырды ныхас кæнгæйæ, Уæрæсейы Президент Владимир Путин бафæдзæхста форум «Ног рæстæгæн — тыхджын хъуыдытæ»-йы фæткмæ гæсгæ хуыздæр ног фыдыбæстон куыстуæтты æрвылазон конкурсæн фадæттæ скæнын.
РЦИ-Аланийы
Сæргълæууæджы æмæ Хицауады
пресс-службæ
