Республикӕйы архитекторты сфӕлдыстадон ӕрмдзӕф

0
139

Дзӕуджыхъӕуы ацыд республикӕйы архитекторты куыстыты равдыст. Ахӕм равдыст фыццаг хатт нӕ бацӕттӕ кодтой. Йӕ нысан у сӕ дӕсныйад равдисын. Бирӕ проекттӕ гӕххӕттыл фыстӕй баззайынц, фӕлӕ ис ахӕмтӕ, ӕмӕ сӕ равдысты куы фенынц, уӕд сӕ царды дӕр спайда кӕнынц.

— Ахӕм равдыстытӕ арӕх саразӕм. Ацы хатт нын у тематикон. Ныр цы куыстытӕ равӕрдтам, уыдон хуымӕтӕг не сты, фӕлӕ, алыхуызон конкурсты чи архайдта, цавӕрдӕр бынӕттӕ кӕнӕ премитӕ чи райста, ахӕмтӕ. Се ‘хсӕн ис, автор йӕхи фӕндонмӕ гӕсгӕ кӕй сныв кодта, ахӕмтӕ дӕр. Уыдон сты цавӕрдӕр хӕдзӕрттӕ, фӕзуӕттӕ ӕмӕ ӕндӕр арӕзтадон комплекстӕ. Фӕархайӕм республикон, уӕрӕсейаг ӕмӕ дунеон ерысты. Уый алы архитекторӕн дӕр хорз мадзал у йӕхи равдисынӕн ӕмӕ йӕ дӕсныйад фӕбӕрзонддӕр кӕнынӕн, — загъта Уӕрӕсейы Федерацийы Архитекторты цӕдисы цӕгатирыстойнаг организацийы сӕрдар Алыккаты Руслан.

Равдысты архайы уӕрӕсеон конкурсы уӕлахиздзау, Русланӕн йӕхи конд проект дӕр. Уый хуымӕтӕджы архитектурон ныв нӕу, фӕлӕ, бӕлвырд наукон-иртасӕн куыст кӕуыл бакодта, ахӕм проект Хъолайы цъитийы тыххӕй. Бӕргӕ хорз уаид, республикӕйы Хицауад ӕм сӕ хъус куы ‘рдариккой ӕмӕ дзы куы спайда кӕниккой, цӕмӕй фидӕны ног ахӕм бӕллӕхӕй хызт уӕм.

Гӕбуаты Галинӕ,

къамтӕ систа Хъайырты Дианӕ

ОСТАВЬТЕ ОТВЕТ

Please enter your comment!
Please enter your name here