2024 азы куыстадон къæлиндармæ гæсгæ, фидæн аз Уæрæсейы цæрджытæн уыдзæн 248 кусгæ æмæ 118 фæлладуадзæн боны.
Уæрæсейæгтæн нæкусгæ бæрæгбоны бонтæ сты Ног азы каникултæ 1 январæй 8 январмæ, Цыппурс (7 январы), Фыдыбæстæ хъахъхъæнæджы бон (23 февралы), Сылгоймæгты дунеон бон (8 мартъийы), Уалдзæг æмæ фæллойы бон (1 майы), Уæлахизы бон — 9 майы, Уæрæсейы бон (12 июны) æмæ Адæмы иудзинады бон (4 ноябры).
Уымæй уæлдай, УФ-йы Хицауады уынаффæ «Улæфты бонтæ 2024 азы рахæссыны тыххæй»-мæ гæсгæ хаст æрцæудзысты, нæкусгæ бæрæгбоны бонтимæ чи баиу, мæнæ уыцы фæлладуадзæн бонтæ: 6 январы сабатæй 10 майы майрæмбонмæ; 7 январы хуыцаубонæй 31 декабры дыццæгмæ; 2 ноябры сабатæй 30 апрелы дыццæгмæ; 28 декабр сабатæй 30 декабры къуырисæрмæ.
Афтæмæй, 2024 азы Ног азы бæрæгбоны уыдзæн 10 боны (2023 азы 30 декабрæй 2024 азы 8 январмæ).
Æртыгай бонтæ уæрæсейæгтæ улæфдзысты Фыдыбæстæ хъахъхъæнæджы бон (23 февралæй 25 февралмæ) æмæ Сылгоймæгты дунеон бон (8 мартъийæ 10 мартъимæ).
Майы бæрæгбæттæ дихгонд æрцыдысты дыууæ хайыл — фыццаг — 28 апрелæй 1 маймæ, дыккаг — 9 майæ 12 маймæ.
Дыууæ боны улæфдзысты Адæмон иудзинады бæрæгбоны (3 ноябрæй 4 ноябрмæ).
Уæрæсейы бæрæгбон уыдзæн æрмæст 1 бон (12 июны). 2024 азы уæрæсейæгтæн уыдзæн æртæ кусгæ сабаты — 27 апрелы, 2 ноябры æмæ 28 декабры.
Нæ уацхæссæг
