РЦИ-Аланийы Мидхъуыддæгты министрады паддзахадон автопнспекцийы управленийы хицау Моурауты Таймураз æмæ РЦИ-Аланийы Фæндæгтæ æмæ транспорты комитеты сæрдар Солиты Тариэл сæ сæргъы, афтæмæй дыууæ ведомствæйы кусджытæ фембæлдысты Паддзахадон автоинспекцийы управленийы.
Сæ фембæлды сæр уыд административон барадхæлдтытæ автоматикон æгъдауæй нысан кæныны æнæлыггонд фарстатæ æмæ сæ хуыздæрæрдæм раивыны фæдыл.
Паддзахадон автоинспекци фехъусын кодта автомобилон фæндæгтыл æдасæй цæуынæн цы мадзæлттæ арæзт цæуы, цавæр цæлхдуртыл æмбæлынц æмæ уæлæмхасæн мадзæлттæ аразынц фæндæгты фыдбылызтæ фæкъаддæр кæнынæн, уыдæтты тыххæй. Æмбырды архайджытæ æркастысты фæндæгтыл цæуыны æдасдзинад фæхуыздæр кæнынмæ æмæ 2024 азы автомобилон фæндæгтæм хуыздæр базилыны нысантæм.
Фæндæгтыл æдасæй цæуыны ахсджиаг фарстатыл дыууæ организацийы дæр мадзæлттæ иумæ аразын кæй хъæуы, уыцы ахсджиаг фарстайыл фембæлды архайджытæ сразы сты æмхуызонæй æмæ рахастой хъæугæ уынаффæтæ.
РЦИ-Аланийы Паддзахадон автоинспекцийы управленийы пресс-службæ
