Ацы аз цæгатирыстойнаг хъæууон скъолаты байгом уыдзысты «Рæзты тæлмытæ»-йы 13 центры. Ныридæгæн регионы кусынц ахуырады 125 центры.
«Рæзты тæлмытæ”-йы архайæг сывæллæттæ роботтæ саразынц, мультипликацион кинонывтæ бацæттæ кæнынц, фæлварæнтæ сæххæст кæнынц, стæй скъолайы предметтæ биноныг ахуыр кæнынц. Уымæй уæлдай, «Рæзты тæлмытæ”-йы арæзт æрцæуынц тематикон уроктæ, стæй дзы бакæсынц лекцитæ.
Алы скъоладзаумæ дæр ис ахуырадмæ лæвар æрбацæуыны бар. Сывæллæтты ахуырад æмæ райрæзтæн æмхуызон фадæттæ саразыныл архайд цæуы (сывæллон стыр горæтæй, æви чысыл хъæуæй æрбацыд, уый нæ нымайгæйæ). Хъæууон скъолаты кæй байгом кæнæм, уыцы «Рæзты тæлмытæ”-йы фæрцы ис сывæллоны курдиат рагацау раргом кæнын æмæ йын фæстæдæр æххуыс кæныны фадат.
Нæ уацхæссæг
