Цардыуаджы уавæртæ — бæрзонддæр æмвæзадмæ

0
26

РЦИ-Аланийы Хицауады Сæрдар Дзанайты Барис цы æмбырд сарæзта, уым ныхас цыди Алагиры горæты хъармæй æфсадыны системæйы бындурон рацарæзт æмæ модернизацийы фарстатыл. Уый у, горæты хъармгæнæн комплексы хæрзхъæддзинад æмæ фидардзинад чи фæхуыздæр кæндзæн, ахæм фæлварæн проект.

Муниципалон сконды фæзуаты дарддæр цæуы куыст хъармдæттæн системæ сног кæныныл. Проектмæ гæсгæ, 21 агдонæй хъуамæ бындуронæй рацаразой 15 объекты, 6 та дзы æхгæд æрцæуой. Ныртæккæ уал 7 агдоны сæвæрдтой, хæстæгдæр рæстæджы ма хъуамæ райсой 8 агдоны.
— Республикæйы электроэнерги æмæ хъармæй æфсадæн системæты æнæфæсайгæ куыст — РЦИ-Аланийы Сæргълæууæг Сергей Меняйло хицаудзинады оргæнты размæ цы хæстæ æвæры, уыдоны сæйрагдæр у. Проект æххæстгонд куы ‘рцæуа, уæд хъармдæдтæн системæйы куыст уæлдæр æмвæзадыл арæзт уыдзæн æмæ йæ фæстиуæгæн Алагиры цæрджыты цардыуаджы уавæртæ дзæвгар фæхуыздæр уыдзысты. Абон хъуамæ ацы хъуыддагыл дзуапдæдтæг æппæт ведомствæтæ дæр сæ бæрны уæвæг мадзæлттæ æмбæлгæ уагыл æххæст кæной, — фæбæрæг кодта Дзанайты Барис.
Уæ зæрдыл уын æрлæууын кæндзыстæм: проекты фарс рахæцыд Уæрæсейы Федерацийы регионалон рæзты Хицауады къамисы президиум. Хъармдæдтæн системæйы модернизаци арæзт цæуы дзыллон-барадон компани «Фæзуæтты рæзты фонд»-ы æххуысæй Национ фæрныгады фонды фæрæзтæй.

Гапбаты  Алетæ

ОСТАВЬТЕ ОТВЕТ

Please enter your comment!
Please enter your name here