Знон радио «FM-Алани» Фыдыбæстæ хъахъхъæнæджы боны кадæн скодта радиомарафон.
Радиоамонджыты уазджытæ уыдысты Адæмон фронты, эстрадæйы минæвæрттæ, республикæйы цæрджытæ, сæрмагонд æфсæддон операцийы архайджытæн фыццаг бонæй æххуысгæнджытæ.
Марафоны фыццаг сахат уыд амонæг Налдыхъуаты Зæлинæ æмæ бархион Касаты Асланы бæрны. Гуманитарон уæзæгтæ æмбырдгонд цыдысты Адæмон фронты проект «Алцыдæр — Уæлахизæн!»-ы фæлгæты. Цы фæрæзтæ дзы æрæмбырд кæной, уыдонæй балхæндзысты æфсæддон операцийы архайджытæн хъæугæ дзаума.
Радиомарафон «Алцыдæр — Уæлахизæн!»-ы амонджытæ Хæдарцаты Лидия æмæ Хуадонты Тамарæйы уазджытæ та уыдысты Адæмон фронты регионалон æххæсткомы æмсæрдар Дзоблаты Альбинæ, Къазнайады минæвар Илаты Тимур æмæ эстрадон зарæггæнæг Мæргъиты Лери. Се ‘хсæн рауад ахс- джиаг æмæ бæстон ныхас.
Нæ уацхæссæг
