1 апрелæй 6 апрелы онг Цæгат Ирыстоны æххæстгонд цæуынц бинонтæн бирæкъабазджын лæггæдты центрты къуырийы мадзæлттæ. Ахæм акцийы сæйрагдæр нысан у республикæйы цæрджытæн бæстон рахабар кæнын, бирæкъабазджын центртæ бинонтæн цы æппæтвæрсыг лæггæдтæ кæнынц, уыдоны тыххæй.
Цæгат Ирыстоны Фæллой æмæ социалон рæзты министрады куыд фехъу-сын кодтой, афтæмæй къуырийы дæргъы рес-публикæйы цæрджытæн уыдзæн алыхуызон фембæлдтыты архайыны фадат. Зæгъæм, министрад æмæ бирæкъабазджын центрты специалисттæ адæмæн сараздзысты гом дуæртты бонтæ, мастер-класстæ, психологон тренингтæ, лекцитæ… Уыимæ, адæмы бæстон зонгæ кæндзысты бирæкъабазджын центрты архайдимæ.
Ацы бонты амынд центртæ чи бабæрæг кæна, уыцы адæм райсдзысты Фæллой æмæ социалон рæзты министрады, УФ-йы Социалон фонд æмæ æндæр ведомствæты специалистты консультацитæ. Къуырийы архайджытæй иу – республикæйы фæллой æмæ социалон рæзты министр Айдарты Алинæйæн сæрмагонд фембæлдтытæ уыдзæн ЦИПУ-йы студенттимæ, стæй бирæсывæллонджын æмæ цыбыркъух бинонты минæвæрттимæ.
Иу ныхасæй, къуырийы программæйы цы бирæ фембæлдтытæ уыдзæн, уыдоны фæрцы адæм бæстондæр базондзысты бирæкъабазджын центрты куысты фæзилæнтæ, стæй сын уæрæхдæр пайда кæндзысты сæ бирæ лæггæдтæй.
Адæмы зæрдыл лæууын кæнæм бинонтæн лæггæдты бирæкъабазджын республикон центры адрис дæр – уый æрбынæттон Дзæуджыхъæуы, Осипенкойы уынджы 3-æм хæ-дзары.
Калманты Аслан
