Фæсивæд се сфæлдыстады, сæ архайды, сæ фæлладуагъды цавæр фадæтты хицау сты, уыдæттæ базоныны тыххæй РЦИ-Аланийы Хицауады Сæрдар ДЗАНАЙТЫ Барис бабæрæг кодта Фæсивæды галуан Дзæуджыхъæуы.
Министрты кабинеты хицау æрзылд бæстыхайы æппæт бынæттыл. Фæсивæдон политикæйы иумæйаг рæзты æппæт
-уæрæсеон программæйы субсидиты руаджы къухы бафтыд Фæсивæды галуан бындуронæй сцалцæг кæнын. Уыдæтты фæдыл ра-дзырдта Фæсивæды хъуыддæгты комитеты сæрдар Джусойты Руслан. Галуаны фæзынд зæлты, рухсы, æндæр хъæугæ аппаратурæ, уымæй сфæлгонц кодтой актон æмæ концертон залтæ. Тренажерты залтæм балхæдтой æппæт хъæугæ спортивон ифтонггæрзтæ. Фæсивæды галуан ссис æппæт авналæнты, фадæтты, удæнцойдзинæдты хицау.
Дзанайты Барисы ныхасмæ гæсгæ, галуан æрмæст микрорайоны фæсивæды æргом не здæхта йæхимæ, фæлæ æппæт Дзæуджы-хъæуы æрыгæтты дæр. «Мæ бон æй схонын у сфæлдыстадон кадрты æрмадз, цæмæй йæм базилæм, уый нæ стыр куыст домдта. Федералон программæйы руа-джы æппæт нысантæ дæр æххæстгонд æрцыдысты. Ныртæккæ у нырыккон объект, программæты руаджы нæ бон у фылдæр фарстатæ лыг кæнын», – фæбæрæг кодта Хицауады Сæрдар.
Уый ма федта репетицитæ аразæн иннæ бынæттæ дæр, аныхас кодта коллективты разамонджытимæ, скодта æмбæлгæ хатдзæгтæ.
РЦИ-Аланийы
Сæргълæууæджы
æмæ Хицауады
пресс-службæ
